Minskaje «Dynama» daviedałasia supiernika pa pieršym raŭndzie płej-of KCHŁ
Pa vynikach zaklučnaha tura rehularnaha siezona-2025/2026 Kantynientalnaj chakiejnaj lihi vyznačylisia kančatkovyja miescy ŭ Zachodniaj kanfierencyi.
Minskaje «Dynama» finišavała na druhim miescy ŭ Zachodniaj kanfierencyi, učora ŭ zaklučnym matčy rehularki razhramiŭšy «Aŭtamabilist» ź likam 8:2, i zhulaje ŭ pieršym raŭndzie płej-of (Kubak Haharyna) z maskoŭskim «Dynama».
«Zubry» startujuć dvuma matčami doma 24 i 26 sakavika. Zatym minčanie praviaduć dva matčy na vyjeździe 28 i 30 sakavika.
Sieryja idzie da čatyroch pieramoh i pry nieabchodnaści potym praciahniecca ŭ Minsk.
U rehularnym čempijanacie sioleta minskaje «Dynama» vyjhrała ŭ maskoŭskich adnakłubnikaŭ try matčy z čatyroch — 4:6, 3:2, 5:3, 7:1.
U historyi rozyhryšu Kubka Haharyna minskaje «Dynama» dvojčy sustrakałasia z maskoŭskim «Dynama» — abodva razy na stadyi 1/8 finału i abodva razy prajhravała.
U minułym hodzie «zubry» prajšli pieršy etap płej-of, abyhraŭšy ŭ sieryi CSKA ź likam 4:2, a potym vybyli ŭ druhim raŭndzie, sastupiŭšy čalabinskamu «Traktaru» 1:4.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary