Voś što zastałosia ad doma pad Hrodnam paśla vybuchu i pažaru VIDEA
Ministerstva nadzvyčajnych situacyj paviedamiła, što pažar u vioscy Kazimiroŭka pad Hrodnam udałosia likvidavać. Z apublikavanych videa bačna, što čatyrochkvaterny dom paciarpieŭ vielmi mocna, u niekatorych miescach ad jaho zastalisia tolki ruiny.
Pa papiarednich danych, adbyŭsia vybuch hazava-pavietranaj sumiesi z nastupnym hareńniem na pieršym i druhim pavierchach.
U vyniku zdareńnia abvalilisia pierakryćci i ścieny ŭ kvatery na druhim paviersie, paśla čaho pačałosia hareńnie.
Paciarpieŭ mužčyna, jakoha špitalizavali. Taksama ŭ momant zdareńnia ŭ kvatery na nižnim paviersie znachodziłasia 12‑hadovaja dziaŭčynka. Jana nie paciarpieła.
Dziejańni pažarnikaŭ uskładnialisia mahčymaściu paŭtornaha abvału kanstrukcyj, vysokaj tempieraturaj i hustym dymam u kvaterach. Da likvidacyi zdareńnia było pryciahnuta 4 adzinki techniki MNS.
Urešcie pažar byŭ likvidavany. Pa fakcie zdareńnia prajšło pasiadžeńnie kamisii pa nadzvyčajnych situacyjach pry Hrodzienskim rajonnym vykanaŭčym kamitecie.
Kamientary