U studatrady sioleta rekrutujuć 22 tys. čałaviek

U 2010 hodzie ŭ biełaruskija studenckija atrady płanujecca pryciahnuć bolš jak 22 tys. čałaviek, u tym liku 700—800 padletkaŭ, jakija znachodziacca na ŭliku ŭ suviazi z asacyjalnymi pavodzinami.

Pra heta paviedamiŭ 31 maja na pres‑kanfierencyi ŭ Minsku hałoŭny inśpiektar ŭpraŭleńnia sacyjalnaj i vychavaŭčaj pracy Ministerstva adukacyi Alaksiej Ananienka.

Pavodle jaho słoŭ, studatrady buduć pracavać na 715 abjektach. Čakajecca, što pracaŭładkavańnie ŭ ich dazvolić nie tolki zaniać padletkaŭ i moładź, ale i ŭmacuje ich materyjalny dabrabyt.

Staršy inśpiektar adździeła arhanizacyi prafiłaktyki pravaparušeńniaŭ niepaŭnaletnich upraŭleńnia prafiłaktyki MUS Aleh Maksimaŭ paviedamiŭ, što zabieśpiačeńnie pracaj niepaŭnaletnich letam 2010 hoda mahčymaje taksama praz centry pracaŭładkavańnia. Padletkam prapanoŭvajecca niekvalifikavanaja praca, pryčym jany mohuć pracavać niapoŭny pracoŭny dzień, jość abmiežavańni pa dopusku da rabot. Adnak bolšaja častka achvotnych budzie pracaŭładkavanaja, pryčym asablivaja ŭvaha budzie nadavacca pracaŭładkavańniu ciažkich padletkaŭ, zajaviŭ Maksimaŭ.

Adnym z hałoŭnych kirunkaŭ pracy sa školnikami letam 2010 hoda tradycyjna budzie ich nakiroŭvańnie ŭ azdaraŭlenčyja łahiery.

Alaksiej Ananienka taksama zaznačyŭ, što sioleta letnim azdaraŭleńniem płanujecca achapić bolš jak 418 tys. dziaciej — 35% ad usich dziaciej ad 6 da 18 hadoŭ. U azdaraŭlenčych łahierach z kruhłasutačnym znachodžańniem projduć azdaraŭleńnie bolš jak 186 tys. dziaciej, ź dzionnym znachodžańniem — amal 228 tys. Usiaho na praviadzieńnie azdaraŭlenčaj kampanii vydzialajecca bolš jak 76 młrd. rubloŭ.

Asablivaja ŭvaha nadajecca nakiroŭvańniu ŭ łahiery sirot i dziaciej, jakija zastalisia biez apieki baćkoŭ, dziaciej, jakija znachodziacca na ŭliku ŭ sacyjalna niebiaśpiečnym stanoviščy, i dziaciej, jakija znachodziacca na ŭliku ŭ inśpiekcyjach pa spravach niepaŭnaletnich. Apošnija nakiroŭvajucca ŭ vajenna‑patryjatyčnyja i abaronna‑spartyŭnyja łahiery. Usiaho letam 2010 hoda płanujecca arhanizavać pracu 151 takoha łahiera, dzie projduć azdaraŭleńnie 5 tys. ciažkich padletkaŭ.

Jak zaznačyŭ Ananienka, dla dziaciej, jakija zastanucca letam doma, buduć pracavać ustanovy pazaškolnaha vychavańnia i navučańnia. Na praciahu navučalnaha hoda ŭ ich zajmajucca 415 tys. dziaciej i padletkaŭ. U letni pieryjad ustanovy pazaškolnaha vychavańnia i navučańnia buduć pracavać ź dziećmi ŭ bolš svabodnym hrafiku i vyjazdžać dla praviadzieńnia majstar‑kłasaŭ u azdaraŭlenčyja łahiery.

Anastasija Janušeŭskaja, BiełaPAN.

• 0
• 0
• 0
• 0
• 0
• 0
• 0
• 0