Aficyjny Minsk uviazvaje stvareńnie Mytnaha kodeksa z admienaj myta na naftu.
Aficyjny Minsk uviazvaje stvareńnie Mytnaha kodeksa ŭ ramkach Mytnaha sajuza Biełarusi, Kazachstana i Rasii z admienaj uviedzienaha ad 1 studzienia 2010 hoda rasijskaha ekspartnaha myta na naftu i naftapradukty.
Pra heta zajaviŭ u Paryžy pieršy vice‑premjer urada Biełarusi Uładzimir Siamaška na štohadovaj mižnarodnaj kanfierencyi vytvorcaŭ kalijnych uhnajeńniaŭ.
«Padpisańnie Mytnaha kodeksa pavinna być uviazana z admienaj myta na naftu i naftapradukty. Admiena hetaha myta dla Biełarusi — heta naša žalezabietonnaje patrabavańnie», — skazaŭ U.Siamaška.
— «Kali b rasijski bok pahadziŭsia admianić myta chacia b ad 1 studzienia 2011 hoda, biełaruski bok udzielničaŭ by ŭ pieramovach 28 maja i padpisaŭ by Mytny kodeks. Ale rasijcy nie pahadzilisia».
Pavodle spadara Siamaški, pieramovy ab stvareńni Mytnaha sajuza i padpisańni Mytnaha kodeksa buduć praciahnutyja.
«My nie laskali dźviaryma. Ja dumaju, što ŭsio zavieršycca stanoŭča. Ideja Mytnaha sajuza pachodzić z Rasii, a kankretna — ad premjer‑ministra Uładzimira Pucina».
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia2
Kamientary