«Kiroŭca sustreŭ nas hrubaściu i ahresijaj», — kaža dziaŭčyna.
Na hetym tydni ŭ sacyjalnych sietkach šyroka abmiarkoŭvałasia historyja dziaŭčyny, jakuju nočču vysadziŭ taksist paśla taho, jak jana źmianiła sposab apłaty z najaŭnych na bankaŭskuju kartku. Transpartnaja inśpiekcyja stała na bok pasažyrki, taksama kiroŭcu časova zabłakavaŭ servis Jandeks Go.
Paśla publikacyi hetaj historyi z Onliner.by źviazałasia dziaŭčyna pa imieni Śviatłana (imia źmieniena). Jana vyklikała taksi, kab dajechać dadomu ź dziciem (u małoha invalidnaść z-za razładu aŭtyčnaha śpiektru). Adnak taksist admoviŭsia vieźci pasažyraŭ — žančyna źviarnułasia ŭ Transpartnuju inśpiekcyju.
— Heta adbyłosia na pačatku hoda. Ja vyklikała taksi praz dadatak (taryf «Kamfort+»). Zakaz pryniaŭ pieravozčyk — indyvidualny pradprymalnik. Jon pryjechaŭ na aŭtamabili BYD Yuan Plus. Paśla spynieńnia mašyny (prykładna za sorak santymietraŭ ad chodnikaŭ) my ź dziciem spuścilisia na prajeznuju častku, adkryli dźviery, pavitalisia i pačali sadzicca. My nie zatrymlivali ruch i nie rabili zaŭvah, niahledziačy na toje, što kiroŭca moh by pryparkavacca bližej da bardziura dla bolš kamfortnaj pasadki, — adznačaje surazmoŭca.
— Kiroŭca sustreŭ nas hrubaściu i ahresijaj. Jak tolki my zaniali miescy zzadu, jon na pavyšanych tonach zapatrabavaŭ vyjści z mašyny i paviedamiŭ, što nie paviazie nas. Vysadziŭ z aŭtamabila, čym davioŭ dačku da isteryki. Pajezdku jon admianiŭ pa ŭłasnaj inicyjatyvie, praihnaravaŭšy maje sproby vyśvietlić pryčynu.
U momant vysadki žančyna była nastolki napałochanaja i zasmučanaja stanam dziciaci, što nie paśpieła zapatrabavać knihu zaŭvah i prapanoŭ, jakuju pieravozčyk abaviazany vieści pavodle zakanadaŭstva.
Dzicia ź invalidnaściu pieražyło mocny stres, i jaho stan adnaŭlaŭsia jašče dva dni paśla incydentu — źjaviŭsia strach pierad aŭtamabilami-taksi.
Śviatłana ŭpeŭnienaja, što kiroŭca admoviŭsia ad pieravozki, ubačyŭšy asablivaści zdaroŭja dziciaci. Jana taksama adznačaje, što ŭ supołkach baćkoŭ dziaciej ź invalidnaściu takija vypadki nie redkaść.
— U hramadskim transparcie našym dzieciam nie zaŭsiody rady… Biareš taksi dziela kamfortu — i ŭsio roŭna sutykaješsia z dyskryminacyjaj. Heta stamlaje i prynižaje, — kaža jana.
Reakcyja Transpartnaj inśpiekcyi
Jak raspaviała žančyna, jana źviarnułasia ŭ słužbu padtrymki servisu, i paśla praciahłaj pierapiski joj dali danyja kiroŭcy. Ź imi jana pajšła ŭ Transpartnuju inśpiekcyju Ministerstva transpartu, dzie padrabiazna apisała situacyju. Z adkazu inśpiekcyi vynikaje: kiroŭca nie mieŭ prava admaŭlać pasažyru ŭ pasłuzie.
U viedamstvie nahadali, što pry adsutnaści zakonnych padstaŭ aŭtamabilny pieravozčyk nie maje prava admovicca ad vykanańnia damovy pieravozki. Akramia taho, kiroŭca taksi abaviazany vykonvać zakazy, atrymanyja praz dyśpietčara abo elektronnuju sistemu, a taksama być vietlivym i dobrazyčlivym.
Parušeńnie hetych normaŭ razhladajecca jak administracyjnaje pravaparušeńnie.
U vyniku pieravozčykam dadatkova nahadali pra niedapuščalnaść dyskryminacyi ludziej ź invalidnaściu, a infarmacyju pa kankretnym vypadku pieradali ŭ rehijanalnaje padraździaleńnie. Paźniej pryjšoŭ adkaz: kiroŭcu pryciahnuli da adkaznaści.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary
Taksi - heta biźnies. Biźnies jaki admaŭlajecca ad klijentaŭ - drenny biźnies i nie zarablaje hrošy ;)
Davajcie pradstavim situacyju. Taksist pracuje. K jamu sadziacca pasažyry i jon ni z taho ni z usiaho ravie, kab vyjšli ŭ kamfort+. Vy možacie pradstavić siabie ŭvohule takoje? Nu tolki kali ŭ taksista nie ŭsie doma.
Nu i hałoŭnaje pytańnie - kolki hod było dziciaci? Zdajecca, što Śviatłana vyzvała taksoŭku kamfort+ u nadziei što vadziciel voźmie jaje ź dziciem bieź dziciačaha kresła, a tut nie vyjšła, tamu treba nakazać.)))