EHU zaprašaje na adukacyjnuju prahramu «Jeŭrapiejskaja spadčyna i kreatyŭny turyzm»

Prahrama stavić najvažniejšyja pytańni sučasnaści. Ci vałodaje Biełaruś kulturnaj i histaryčnaj subjektnaściu? Što takoje jeŭrapiejski kulturny kantekst? I jak vykarystoŭvać intelektualnuju tradycyju Jeŭropy siońnia? Jak, pracujučy sa spadčynaj, prajektavać budučyniu?

Kreatyŭny turyzm zasnavany na stvareńni ŭnikalnaha emacyjnaha i kulturnaha vopytu, jaki čałaviek atrymlivaje ŭ pracesie padarožža. Tamu kožny turystyčny pradukt u kreatyŭnym turyźmie stvarajecca jak unikalny.

Siońnia kreatyŭny turyzm — dynamičny siehmient suśvietnaha rynku turyzmu, jaki raście dziakujučy hatoŭnaści spažyŭcoŭ płacić za aryhinalny pradukt. Va ŭmovach hłabalizacyi i ličbavizacyi jon stanovicca ŭsio bolš papularnym.

Takim čynam, tut vučacca razumieć i ŭklučać spadčynu ŭ raznastajnyja kanteksty sučasnaści, daśledujučy jaje ekanamičny, sacyjalny i ekałahičny patencyjały. Dla studentaŭ spadčyna — heta sposab realizavać siabie va ŭnikalnych prajektach, šlach da pošuku siabie jak Aŭtara, asnova karjernaha pośpiechu i kapitalizacyi svajho talentu.

Čamu varta vybrać hetuju prahramu?

• Navyki prasoŭvańnia i vykarystańnia spadčyny — raskryvajucca mahčymaści vykarystańnia kulturnaha, sacyjalnaha, ekanamičnaha i ekałahičnaha patencyjału spadčyny.
• Raźvićcio pradprymalnickich kampietencyj u kultury — studenty asvojvajuć kulturny mieniedžmient, markietynh i biznes-stratehii dla stvareńnia aŭtarskich praduktaŭ u halinie kulturnaj spadčyny i turyzmu. Bolš za 20 hadoŭ supracoŭnictva z turystyčnymi arhanizacyjami dajuć mahčymaść znajomicca z aktualnymi trendami rynku, pašyrać prafiesijnyja suviazi i znachodzić karjernyja pierśpiektyvy na mižnarodnym uzroŭni.
• Hłybokija viedy ŭ śfiery historyi kultury — studenty atrymlivajuć mahčymaść vyvučać kursy pa historyi, muziejałohii, antrapałohii i historyi mastactvaŭ.
• Raźvićcio kreatyŭnaha myśleńnia — prahrama aryjentavanaja na farmiravańnie navykaŭ pošuku novych aryhinalnych idej i znachodžańnia niestandartnaha padychodu da vyrašeńnia zadač.
• Praktyčnaja nakiravanaść — stažyroŭki ŭ muziejach, archivach i daśledčych centrach u krainach Jeŭropy, udzieł u ekśpiedycyjach i mižnarodnych prajektach.
• Dźvie zamiežnyja movy — navučańnie pačynajecca na ruskaj i biełaruskaj movach, z uzmocnienym vyvučeńniem anhlijskaj i pastupovym pierachodam na anhłamoŭnyja dyscypliny. Dadatkova studenty mohuć asvojvać na vybar niamieckuju abo francuzskuju movy, pašyrajučy svaje karjernyja i akademičnyja pierśpiektyvy ŭ krainach ES.
• Hnutkaść i indyvidualnaja trajektoryja — mahčymaść samastojna farmavać navučalny płan, śpiecyjalizavacca ŭ roznych halinach kulturnaj spadčyny, turyzmu i kreatyŭnych industryj.
• Mahčymaść udziełu ŭ prahramach mižnarodnaha abmienu — prahrama adkryvaje dostup da mižnarodnych kursaŭ i ŭdziełu ŭ akademičnych abmienach (Erasmus+, OSUN, DAAD, Bard College Network), lekcyjam vykładčykaŭ i ekśpiertaŭ ź viadučych univiersitetaŭ Jeŭropy i ZŠA.

Vučebny płan prahramy

Prahrama «Jeŭrapiejskaja spadčyna i kreatyŭny turyzm» prapanuje dva farmaty navučańnia, adaptavanyja pad roznyja adukacyjnyja patreby studentaŭ: stały (vočny) i stały siesijny (zavočny)

Karjernyja pierśpiektyvy 

Vypuskniki prahramy «Jeŭrapiejskaja spadčyna i kreatyŭny turyzm» vałodajuć hłybokimi viedami ŭ śfiery kulturnaj spadčyny, turyzmu i kreatyŭnych industryj, što dazvalaje im pracavać u dziaržaŭnych i niedziaržaŭnych arhanizacyjach, a taksama raspracoŭvać inavacyjnyja prajekty ŭ śfiery kultury i turyzmu.

Paśla zaviaršeńnia prahramy vypuskniki mohuć pracavać:

• Kaardynataram kulturnych i adukacyjnych prajektaŭ — arhanizacyja i kiravańnie kulturnymi inicyjatyvami, fiestyvalami i adukacyjnymi prahramami.
• Kuratarskaja dziejnaść: muziei, halerei, kulturnyja mierapryjemstvy — raspracoŭka vystavačnych prajektaŭ, praca z ekspazicyjami i kulturnymi mierapryjemstvami.
• Aŭtaram-raspracoŭščykam unikalnych turystyčnych praduktaŭ — stvareńnie ŭnikalnych maršrutaŭ i prahram u śfiery kreatyŭnaha turyzmu.
• Stvaralnikam unikalnaha miedyjakantentu pra kulturu i padarožžy — praca z tekstami, fota– i videamateryjałami, viadzieńnie tematyčnych płatformaŭ i błohaŭ.
• Ekskursavodam i hidam-pierakładčykam — praviadzieńnie aŭtarskich ekskursij i tematyčnych turaŭ.
• PR i SMM-mieniedžaram u kulturnych prajektach — prasoŭvańnie kulturnych inicyjatyŭ, praca z aŭdytoryjaj i miedyja.
• Akademičnaja karjera — mahčymaść praciahu navučańnia ŭ mahistraturach Jeŭropy i ZŠA.

Umovy pastupleńnia

Nie viedajecie, z čaho pačać? Aznajomciesia z pakrokavymi instrukcyjami dla abituryjentaŭ pa spasyłcy.

Daviedajciesia bolš pra košt navučańnia, hranty i stypiendyi pa spasyłcy.

Akademičnaja stupień

Bakałaŭr humanitarnych navuk

Termin navučańnia

4 hady (8 siemiestraŭ) (stałaja (vočnaja) forma)

5 hadoŭ (10 siemiestraŭ) (stałaja siesijnaja (zavočnaja) forma)

Nacyjanalny kod adukacyjnaj prahramy

6121NX076

• 2
• 0
• 0
• 0
• 0
• 0
• 0
• 0