U vydaviectvie «Kaŭčeh» vyjšła kniha «Pa(d)šot. Kuchnia biełaruskich litarataraŭ». Aŭtarka-ŭkładalnica Kaciaryna Barysienka sabrała 50 receptaŭ ad biełaruskich litarataraŭ i litaratarak, paviedamlaje bellit.info.
Kožny «aŭtarski» recept azdobleny ilustracyjaj. Siarod tych, čyje kulinarnyja rekamiendacyi źmieščany ŭ knizie, paety i paetki, piśmieńniki i piśmieńnicy.
Tak možna zhatavać «Miasa ŭježnaje, z hrybami dy harodninaj» ad Taćciany Barysik, babku ad Siarhieja Chareŭskaha, salanku ad Siarhieja Kalendy, piečanuju kurycu ad Alesia Kamockaha.
Taksama siarod «kucharaŭ» knihi možna znajści imiony Franca Siŭko, Stasia Karpava, Siroški Pistončyka, Uładzimira Hłazava, Andreja Dudko i mnohich inšych.
Adam Hłobus, Kava pa-karatkievicku
- kava (arabika) — 2 čajnyja łyžki ź viercham
- vada — 180—200 mł
- čorny pierac — 2 št.
- sol
U turku zasypać dźvie poŭnyja z kapturom łyžki kavy. Da kavy dadać dva razrezanyja napałam zierni čornaha piercu i niekalki drabočkaŭ soli z končyka naža. Usio zalić kipniem, pieramiašać, a potym na maleniečkim ahni davieści da kipieńnia, kab šumok paŭstaŭ, ale nie vyliŭsia z turki.
Kamientary