«Noč muziejaŭ—2026» — afiša (kala) litaraturnych padziej u Minsku

Muziej Jakuba Kołasa, Muziej Maksima Bahdanoviča i Litaraturny muziej padrychtavali razmaityja prahramy: ad cieniavoha teatru pavodle tvoraŭ Piatra Vasiučenki da vystupaŭ Illi Šynkarenki, kapeły Alesia Łasia i hurta «Barysaŭski trakt», piša «Budźma».

Litaraturny muziej imia Maksima Bahdanoviča sioleta abraŭ kaśmičnuju tematyku i tamu prahrama mierapryjemstvaŭ nosić nazvu «Zorny čas». Naviedvalnikaŭ čakajuć z 17 hadziny, kali pačynajucca zabavy dla dziaciej.

Dla samych maleńkich projdzie pakaz śpiektakla Taćciany Kryckaj «Pałachlivaje myšania» i interaktyŭnaja prahrama piśmieńnicy Kaciaryny Chadasievič-Lisavoj — «Kaśmičnyja pryhody Vuchucika».

Možna budzie paŭdzielničać u majstar-kłasach vizualnaj paezii, vykanać tvorčyja zadańni na raźvićcio fantazii, pasłuchać pra vieršy, jakija latali ŭ kosmas.

A 19‑j hadzinie raspačynajecca asnoŭnaja prahrama:

muzyčnyja vystupy fołk-prajekta «BRAMA MORA» i Illi Šynkarenki;
* modny pakaz brenda «Tikota» i jaho stvaralnicy Kaciaryny Biazrukavaj;
* intelektualnyja zabaŭki — kviz «Dakranucca da zor» i kvest «Vykanać niemahčyma»;
* monaśpiektakl Alaksieja Kułakova «Hramadzianin Miesiaca » i cieniavy teatr «Zorny rovar» ad muziejnych supracoŭnikaŭ (pavodle tvoraŭ Piatra Vasiučenki);
* lekcyja astrafizika Alaksandra Muraški i stvareńnie zadyjakalnaha modula z Maryjaj Buhajovaj;
* kurs «litaraturnaj kasmahrafii» ad Michała Baranoŭskaha pa pošuku svaich zorak, kab było što pačytać, kali vyrašycie ździejśnić mižzornaje padarožža.

«I heta jašče nie ŭsio!» — intryhujuć supracoŭniki muzieja i zaprašajuć zavitać da ich u hości.

Uvachodny kvitok — 20 rubloŭ i 15 rubloŭ dla dziaciej (da troch hadoŭ — biaspłatna)
Adras: vuł. M.Bahdanoviča, 7a 

Dziaržaŭny litaraturna-miemaryjalny muziej Jakuba Kołasa zaprašaje na admysłovuju prahramu «Koła(s) času», kali muziej pierastaje być prosta budynkam i stanovicca partałam. Koła(s) času spyniajecca na imhnieńnie i siadziba Jakuba Kołasa ažyvaje inakš: z muzykaj, tancami, niamym kino i rekanstrukcyjaj. 

15:00—15:30 — teatr pantamimy MDŁU «Mimy śpiašajucca na dapamohu»

 15.30; 16.15; 17.00 — batleječnaja intermiedyja «Na Jurja» ad art-hurta «Ciernica»

 15:00—17:00 — hulnia-kvest «U hryby ź dziadźkam Jakubam» (kožnuju hadzinu)

 15:00—17:00 — majstar-kłasy dla dziaciej i darosłych (kožnuju hadzinu)

 16:00—17:00 — kuratarskaja ekskursija pa časovaj ekspazicyi karcin Barysa Arakčejeva «Vobrazy rodnyja miłaha kraju».

 17:00—18:00 — prezientacyja «Vystaŭki adnoj karciny»(1926h.) z kalekcyi Viciebskaha abłasnoha krajaznaŭčaha muzieja

 17:00—18:00 — prezientacyja vystaŭki «Hodny Narodny» z fondaŭ muzieja Jakuba Kołasa

19.30, 20.00, 20.30 — aŭtarskaja ekskursija «Sny Jakuba Kołasa» (apłačvajecca asobna — 10 r.) ad hałoŭnaj zachavalnicy fondaŭ, praŭnučki Jakuba Kołasa Vasiliny Mickievič. Heta redkaja mahčymaść pačuć žyvyja historyi ad čałavieka, jaki viedaje hety pakoj nie pa dakumientach, a ź siamiejnych uspaminaŭ. Praŭnučka kłasika praviadzie vas pakojčykam, dzie Kołas adpačyvaŭ, dumaŭ, naradžaŭ radki, što stali kłasikaj. Vy daviedajeciesia, što śniłasia Jakubu Kołasu ŭ jahonym «mirnym prytułku». Heta nie standartnaja lekcyja, a ciopłaja siamiejnaja razmova — z detalami, uśmieškami i niečakanymi adkryćciami.

Kolkaść miescaŭ abmiežavanaja, bo sapraŭdnyja tajamnicy nie lubiać šumu.

Zapis na ekskursiju:
19.30 — https://forms.gle/zCXQsrZCFNR7i3Sp8
20.00 — https://forms.gle/2E79qC8RxEBSwMS18
20.30 — https://forms.gle/TSK41pau1ZQAAige9

18:30—19:00 — Zona kala ekspazicyi «U chvalach niaspynnaha ruchu…». Tradycyjnyja biełaruskija śpievy ad falkłornaha hurta «Sol».

19:00—20:00 — Zona kala časovaj ekspazicyi «U chvalach niaspynnaha ruchu…». Tradycyjnyja biełaruskija tancy ad Kapeły tradycyjnaj muzyki «Aniahož». 

20:00—21:00 — kancert baročnaj muzyki ad Alesia Łasia.
Usie naviedvalniki zmohuć daviedacca šmat cikavaha pra historyju biełaruskaj muzyki, pačuć muzyku epochi baroka ŭ vykanańni kapeły Alesia Łasia, i, viadoma ž, zmohuć patančyć.

Adras: vuł. Akademičnaja, 5, Minsk
Ahulny ŭvachodny bilet — 15 bieł. rub.
Padrabiaznaści tut: kolasmuseum.by

Dziaržaŭny litaraturny muziej Janki Kupały zaprašaje 16 maja z 18:00 da 23:00 (kasa da 22:30) zavitać na interaktyŭnuju prahramu «Viečar biełych ružaŭ».

Prezientacyja časovaj ekspazicyi «Kupałaŭ dom — 100!», pryśviečanaj 100‑hodździu nabyćcia paetam doma, na mieście jakoha paŭstaŭ muziej.

18:00-22:00 — Kvest «Damý i dámy». Vydatnaja mahčymaść prymianić kiemlivaść i znachodlivaść. Pa vynikach kvestu budzie praviedzieny rozyhryš pryzoŭ!

18:30 — «Hości Janki Kupały: sučasny vyhlad»: defile ad studentaŭ kafiedry dyzajnu mody BDU.

20:00-21:30 — «Kinahaścioŭnia ŭ Janki»: demanstrujecca pieršy biełaruski mastacki film «Lasnaja byl». Kolkaść miescaŭ abmiežavanaja. Kab nabyć kvitok na kinasieans, treba vykanać zadańni ŭ interjerach Kupałavaha doma.

20:00-20:30: — «Kupałaŭski chod»: mahčymaść udaskanalić majsterstva ŭ šachmatach — lubimaj hulnie pieśniara.

21:00-22:00 — Majstar-kłas pa pobytavych tancach ad hurta «Skarbnica Tradycyj».

Košt: 15 rubloŭ (darosłyja), 5 rubloŭ (školniki).

Adras: vuł. Janki Kupały, 4

Hałoŭnaj padziejaj viečara ŭ Litaraturnym muziei stanie «Litaraturny aŭkcyjon». Kožnaha naviedvalnika zaprašajuć dałučycca da stvareńnia ŭnikalnaha pryzavoha fondu, dzie kožnaja kniha moža stać sapraŭdnym skarbam.

Što treba zrabić?

Vybrać knihu na biełaruskaj movie, jakuju vy chočacie vystavić na aŭkcyjon (jana pavinna być u dobrym stanie, biez paškodžańniaŭ).
Dasłać fota knihi na poštu muzieja: [email protected].
Prydumać zahadkavaje apisańnie — tak, kab usim zachaciełasia mieć hetu knihu ŭ svajoj biblijatecy, ale biez nazvy i imia aŭtara.
Paśla atrymańnia paćviardžeńnia na elektronnuju poštu zavitać u muziej, kab pieradać knihu na padrychtoŭku da aŭkcyjonu i atrymać svoj startavy kapitał. U śviatočny viečar u muziei budzie dziejničać ułasnaja valuta — «litalery».
16 maja pryjści ŭ muziej i stać śviedkam taho, jak budzie raźvivacca dalej hetaja litaraturnaja pryhoda! Mahčyma, hałoŭny łot viečara dastaniecca mienavita Vam!

Telefon dla daviedak: +375 17 363 56 21.
Adras: h.Minsk, vuł. M. Bahdanoviča, 13.

 17:20—19:00 — lekcyja pra žyćciovy i tvorčy šlach Abrama Braziera ad mastactvaznaŭcy Taćciany Biembiel

Noč muziejaŭ — 2026: Čas ramantykaŭ i aptymistaŭ» u Litaraturnym muziei Pietrusia Broŭki prapanuje viarnucca da tych časoŭ, kali hetaja viera ŭ lepšuju budučyniu była pavietram, jakim dychaŭ kožny.

1960‑ia — heta čas, kali moładź stała hałoŭnaj ruchajučaj siłaj. Aptymizm, ramantyka adkryćciaŭ i viery ŭ čałavieka — usio heta znajšło adlustravańnie ŭ kultury. Piatruś Broŭka, paet ź niazhasnaj uśmieškaj, jaki trymaŭ ruku na pulsie času, pakinuŭ nam u spadčynu zapaviet — iści ŭparta da svajoj mary, niahledziačy ni na jakija pieraškody.

PRAHRAMA:
18:00 — Lekcyja «Minsk 1960‑ch hadoŭ. Horad, architektura i ludzi soniečnaj epochi» (Anton Dzianisaŭ, historyk).
19:00 — Lekcyja «Bolš nie tabu: madernizacyja intymnaj śfiery ŭ hady chruščoŭskaj adlihi (1953 — 1968)» (Alaksandr Hužałoŭski, historyk).
20:00 — Majstar-kłas pa džazavych tancach ad studyi tancaŭ «Kačieli».
22:00 — Kancert hurta «Borisovskij Trakt».

A TAKSAMA:

Vystava «Piatruś Broŭka. Majo XX stahodździe»,
Viktaryna pa eposie 1960‑ch hadoŭ,
Majstar-kłas pa stvareńni paštovak z zornym niebam,
Interaktyŭnaja prahrama z varažboj na kartach Taro,
Interaktyŭ «Broŭčyn telefon», znajomstva ź filmaskopam,

Rozyhraš «Kvitka ŭdačy» i mnohaje inšaje!

Košt 20 rub.

• 1
• 0
• 0
• 0
• 0
• 0
• 0
• 0