Zdareńnie adbyłosia niedaloka ad horada Julich, što ŭ ziamli Paŭnočny Rejn-Viestfalija, paviedamlaje «Biełaruś i śviet» sa spasyłkaj na palicyju.
Incydent adbyŭsia ŭ subotu, 2 maja, na placoŭcy dla adpačynku kiroŭcaŭ na trasie B44.
Kala 1:30 nočy 56‑hadovy dalnabojščyk, znachodziačysia ŭ kabinie pryparkavanaha hruzavika, pačuŭ zvonku šum. Vyzirnuŭšy, jon ubačyŭ nieviadomaha mužčynu, jaki źlivaŭ dyzielnaje paliva.
Kali biełarus pasprabavaŭ spynić złamyśnika i vyklikać pravaachoŭnikaŭ, toj udaryŭ łomam pa bakavym lusterku transpartnaha srodku, paśla čaho źnik ź miesca zdareńnia na biełym hruzaviku DAF Truck biez numarnych znakaŭ. Dalnabojščyk ža schavaŭsia ŭ svajoj kabinie, zamknuŭšy jaje.
Było skradziena kala 30 litraŭ dyzielnaha paliva. Ciapier pravaachoŭniki šukajuć padazravanaha — jaho apisvajuć jak chudarlavaha mužčynu ŭ ciomnym vierchnim adzieńni, čornych štanach i čorna-biełych krasoŭkach. Taksama prosiać adhuknucca mahčymych śviedkaŭ.
Kamientary