Здарэнне адбылося недалёка ад горада Юліх, што ў зямлі Паўночны Рэйн-Вестфалія, паведамляе «Беларусь і свет» са спасылкай на паліцыю.
Інцыдэнт адбыўся ў суботу, 2 мая, на пляцоўцы для адпачынку кіроўцаў на трасе B44.
Каля 1:30 ночы 56‑гадовы дальнабойшчык, знаходзячыся ў кабіне прыпаркаванага грузавіка, пачуў звонку шум. Вызірнуўшы, ён убачыў невядомага мужчыну, які зліваў дызельнае паліва.
Калі беларус паспрабаваў спыніць зламысніка і выклікаць праваахоўнікаў, той ударыў ломам па бакавым люстэрку транспартнага сродку, пасля чаго знік з месца здарэння на белым грузавіку DAF Truck без нумарных знакаў. Дальнабойшчык жа схаваўся ў сваёй кабіне, замкнуўшы яе.
Было скрадзена каля 30 літраў дызельнага паліва. Цяпер праваахоўнікі шукаюць падазраванага — яго апісваюць як хударлявага мужчыну ў цёмным верхнім адзенні, чорных штанах і чорна-белых красоўках. Таксама просяць адгукнуцца магчымых сведкаў.
Каментары