Donald Tramp vykazaŭsia pra niadaŭni abmien źniavolenymi na biełaruska-polskaj miažy, padčas jakoha byŭ vyzvaleny ŭ tym liku žurnalist Andrej Pačobut.
«My tolki što damahlisia vyzvaleńnia troch polskich i dvuch małdaŭskich źniavolenych ź biełaruskich i rasijskich miescaŭ utrymańnia. Dziakujučy majmu śpiecyjalnamu prezidenckamu pasłańniku Džonu Koŭłu, my zmahli prykłaści maksimum namahańniaŭ, kab hetaje vyzvaleńnie adbyłosia. Moj siabar, prezident Polščy Karal Naŭrocki, sustrakaŭsia sa mnoj u vieraśni minułaha hoda i prasiŭ mianie dapamahčy vyzvalić Andreja Pačobuta ź biełaruskaj turmy. Siońnia Pačobut na voli dziakujučy našym namahańniam. Złučanyja Štaty vykonvajuć abiacańni pierad svaimi sajuźnikami i siabrami. Dziakuj prezidentu Alaksandru Łukašenku za jaho supracoŭnictva i družbu. Tak pryjemna!» — napisaŭ Tramp u svajoj sacsietcy Truth Social.
Kamientary