U krainu mierkavałasia pierakinuć 2‑ju braniatankavuju bryhadnuju bajavuju hrupu.
Uzbrojenyja siły ZŠA admianili pierakidku bolš jak 4 tysiač sałdat u Polšču, paviedamili partału Defense News krynicy ŭ vojsku. Pavodle ich słoŭ, u krainu mierkavałasia pierakinuć 2‑iu braniatankavuju bryhadnuju bajavuju hrupu 1‑j kavaleryjskaj dyvizii, a taksama źviazanuju ź joj vajskovuju techniku.
Pradstaŭnik amierykanskaha vojska paćvierdziŭ admienu razhortvańnia, ale nie staŭ udakładniać padrabiaznaści i pieranakiravaŭ usie pytańni ŭ Pientahon. Ministerstva abarony ZŠA, u svaju čarhu, nie adkazała na zapyt Defense News.
Pavodle danych partała, infarmacyja pra źmianieńnie płanaŭ pačała raspaŭsiudžvacca siarod vajskoŭcaŭ ranicaj 11 maja. Sałdaty paviedamlali pra rašeńnie siabram i svajakam. Pry hetym padčas słuchańniaŭ pa biudžecie ŭ kanhresie, jakija prajšli 12 maja, ni ministr armii Den Dryskał, ni namieśnik načalnika štaba vojska hienierał Krystafier Łaniŭ nie zhadali pra admienu adpraŭki vajskoŭcaŭ u Polšču.
U toj ža čas sienatar Džek Ryd zajaviŭ, što vojska ZŠA sutyknułasia z deficytam biudžetu nie mienš jak na $2 młrd praz praciahłyja apieracyi, uklučajučy razhortvańnie Nacyjanalnaj hvardyi ŭ Vašynhtonie i ŭdzieł padraździaleńniaŭ u achovie miažy ZŠA.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary
Diejstvitielno, jeŝio odna, takaja žie avantiura, kak v Iranie, i SŠA budut zadvinuty i opuŝieny na urovień Rośsii. I jadiernaja jełda osobo nie pomožiet.