Na Maldyvach padčas ryzykoŭnaha apuskańnia zahinuli piać turystaŭ ź Italii
Niaščaście zdaryłasia ŭ čaćvier.
Na Maldyvach padčas ryzykoŭnaha apuskańnia zahinuli piać turystaŭ ź Italii. MZS Italii paviedamiła, što Monika Mantefalkonie, prafiesar marskoj bijałohii Hienuezski ŭniviersitet, i jaje 20‑hadovaja dačka Džordžyja Somakal u čaćvier źnikli na hłybini kala 49 mietraŭ u vodach atoła Vaavu, piša Delfi.lv.
Paśla apuskańnia nie ŭdałosia vyratavać i troch inšych udzielnikaŭ hetaj hrupy: Miuryel Adenina z Turyna, Džanłuka Bieniedeci z Padui i Fiederyka Hvalćjery z Borhamaniera.
Kala 13:45 ratavalnyja słužby nakiravalisia da miesca apuskańnia niepadalok ad vostrava Alimata. Paśla intensiŭnych pošukavych rabot u vodach Indyjskaha akijana byli znojdzieny astanki ŭsich piaci dajvieraŭ, paćvierdzili słužbovyja asoby.
Miascovaje ŚMI The Edition paviedamiła, što ŭ čaćvier ranicaj dajviery znachodzilisia na jachcie Duke of York, pierš čym adpravicca na apuskańnie ŭ adno z samych papularnych padvodnych miescaŭ krainy. Pakul dakładna nieviadoma, što stała pryčynaj hibieli hrupy dajvieraŭ.
Adznačajecca, što ŭ čaćvier umovy nadvorja ŭ hetym rehijonie byli niespryjalnymi: paryvy vietru dasiahali 48 km/h, adnak pakul niezrazumieła, ci stali mienavita hetyja ŭmovy vyrašalnym faktaram katastrofy. Miascovaja palicyja pačała rasśledavańnie, kab vyśvietlić usie abstaviny padvodnaha zdareńnia.
Słužbovyja asoby ličać, što heta samy ciažki niaščasny vypadak pry apuskańni ŭ historyi hetaj nievialikaj dziaržavy ŭ Indyjskim akijanie. Maldyvy, viadomyja svaimi łancuhami karałavych astravoŭ, źjaŭlajucca adnym z samych papularnych turystyčnych napramkaŭ u śviecie.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary