Najbujniejšaja kryptabirža pieradała Rasii danyja pra ajcišnika, jaki achviaravaŭ na padtrymku ŭkrainskich vajskoŭcaŭ
Najbujniejšaja ŭ śviecie kryptavalutnaja birža Binance paćvierdziła, što moža raskryvać danyja klijentaŭ pa zapytach pravaachoŭnych orhanaŭ.
Binance syšła z rasijskaha rynku ŭ kancy 2023 hoda. Ale ciapier apynułasia ŭ centry skandału. Rasijskija siłaviki atrymali ad biržy padrabiaznuju infarmacyju pra rasijskaha IT-śpiecyjalista Juryja Bieleńkaha, jaki pieravodziŭ hrošy ŭ kryptavalucie na patreby ŭkrainskich vajskoŭcaŭ.
Pra heta paviedamlajuć Reuters i pravaabarončaja arhanizacyja «Piervyj otdieł», jakija aznajomilisia z materyjałami spravy.
Bieleńki, jaki z 2015 hoda žyŭ u Bałharyi i maje bałharski dazvoł na žycharstva, byŭ zatrymany ŭ vieraśni 2025 hoda ŭ aeraporcie Šaramiećcieva. Rasijskija śledčyja abvinavacili jaho ŭ finansavańni teraryzmu.
Pavodle Śledčaha kamiteta RF, sa studzienia 2023 hoda da sakavika 2024 hoda Bieleńki zrabiŭ šeść kryptavalutnych pieravodaŭ na ahulnuju sumu 742 dalary. Hrošy, pavodle rasijskich siłavikoŭ, pryznačalisia dla ŭkrainskaha vojska i padraździaleńnia «Azoŭ».
Paśla zatrymańnia Bieleńkaha SK nakiravaŭ Binance zapyt na infarmacyju pra klijentaŭ, jakija pieravodzili srodki na kryptavalutny kašalok, apublikavany błohieram Arkadziem Babčankam.
Binance, jak paviedamlaje «Piervyj otdieł», pieradała śledčym padrabiaznuju historyju akaŭnta Bieleńkaha z momantu jaho rehistracyi. U joj byli piersanalnyja danyja, kopii rasijskaha pašparta i bałharskaha DNŽ, infarmacyja pra reštu na rachunkach, pieravody pamiž rachunkami, a taksama historyja ŭniasieńnia i vyvadu kryptavaluty.
Paśla atrymańnia hetych źviestak śledstva vyjaviła jašče dzieviać pieravodaŭ Bieleńkaha. U vyniku ŭ abvinavačańni fihurujuć užo 15 tranzakcyj.
Binance aficyjna abviaściła pra sychod z rasijskaha rynku ŭ kastryčniku 2023 hoda. Pry hetym pradstaŭnik biržy adkazaŭ žurnalistam, što Binance adkazvaje na zakonnyja zapyty pravaachoŭnych orhanaŭ z ulikam patrabavańniaŭ pryvatnaści i rehulavańnia.
Pakul nie viadoma, ci pieradavała Binance dadzienyja inšych adpraŭnikoŭ srodkaŭ na karyść vojska Ukrainy.
Pravaabaroncy adznačajuć, što pieradača piersanalnych danych rasijskim orhanam biez adpaviednaj mižnarodnaj pravavoj pracedury moža supiarečyć patrabavańniam jeŭrapiejskaha zakanadaŭstva ab abaronie danych.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
V nich vsia siła.