Stali viadomyja abstaviny śmierci 36‑hadovaj aktrysy Paniećjer, byłoj niaviesty Uładzimira Kličko
Pry zvanku ŭ 911 prahučała słova «pieradaziroŭka».
Pavodle krynic vydańnia TMZ, aktrysu znajšła miortvaj siabroŭka ŭ domie ŭ Hrynvile, štat Paŭdniovaja Karalina. Zvanok u słužbu 911 pastupiŭ u niadzielu a 13:51 pa miascovym časie. U aŭdyjazapisu vykliku hučyć słova «pieradaziroŭka» (overdose), a taksama paviedamleńnie pra toje, što paciarpiełaj robiać sardečna-lehačnuju reanimacyju.
Nieviadoma, ci mienavita chłopiec Paniećjer Brajan Chikiersan, ź jakim jana pieryjadyčna sustrakałasia, telefanavaŭ u ekstrannyja słužby.
Adnak ažyvić Paniećjer nie ŭdałosia. U 14:32 kanstatavali jaje śmierć.
Pavodle palicyi, pieršasnych prykmiet hvałtu nie vyjaŭlena, abstaviny śmierci nie vyhladajuć padazronymi.
Raniej aktrysa publična pryznavałasia, što zmahałasia z ałkaholnaj i narkatyčnaj zaležnaściu, a taksama z depresijaj.
Chiejden Paniećjer stała viadomaja dziakujučy roli Kłer Benet u sieryjale «Hieroi», a taksama zdymkam u «Nešvile», franšyzie «Kryk» i filmie «Pamiataj Tytanaŭ».
Akramia kinakarjery, aktrysa pryciahvała ŭvahu hramadskaści svaimi stasunkami z ukrainskim baksioram Uładzimiram Kličko.
Para pačała sustrakacca ŭ 2009 hodzie, praz čatyry hady abviaściła pra zaručyny, a ŭ 2014‑m u ich naradziłasia dačka Kaja. Paśla rasstańnia baćkoŭ u 2018 hodzie dziaŭčynka zastałasia žyć z Uładzimiram Kličko.
Ciapier čytajuć
«Źnik bieź źviestak» vielmi małady biełaruski najomnik3
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Ŭ svoj čas vielmi viadomaja zorka Halivudu Džudzi Harlend pamierła ŭ 47 hadoŭ ad pieradazirŭki lekami - barbituranty.
Adnosna niadaŭna była navina pra viadomuju fotamadel jakaja tak sama pamierła ŭ 30 hadoŭ ad pieradaziroŭki antydyprysantaŭ.
Škada žančynu. Škada ŭsich maładych.