U Mieksicy vyratavali rybaka, jaki 15 dzion pravioŭ u padvodnaj piačory bieź ježy
31‑hadovy Erasta Krysanta Valdes vyžyŭ paśla taho, jak zabłukaŭ u padvodnaj piačory na hłybini bolš za 100 mietraŭ. Bolš za dva tydni jon znachodziŭsia ŭ poŭnaj ciemry, bieź ježy i mahčymaści zrazumieć, dzień ciapier ci noč, piša Bild.
23 lipienia Valdes adpraviŭsia na rybałku razam z baćkam i nyrnuŭ u sienot — zapoŭnienuju vadoj karstavuju piačoru, złučanuju z padziemnaj sistemaj. Padčas palavańnia na rybu z harpunom jon zapłyŭ zanadta daloka i straciŭ aryjentacyju.
U piačory rybak znajšoŭ pavietranuju połaść, dzie moh dychać. Vadu jon piŭ z padziemnaj raki.
Pošuki praciahvalisia 15 dzion. Za šeść dzion da vyratavańnia ratavalniki znajšli jaho harpun na hłybini kala 65 mietraŭ, ale samoha mužčyny pobač nie było. Da pošukavaj apieracyi dałučyłasia mižnarodnaja kamanda ź Mieksiki, Hiermanii, ZŠA i Daminikanskaj Respubliki.
Urešcie amierykanski dajvier, jaki śpiecyjalizujecca na daśledavańni piačor, znajšoŭ suchuju połaść. Jon zakryčaŭ i pačuŭ adkaz Valdesa. Tak ratavalniki zmahli znajści rybaka i vyvieści jaho na pavierchniu.
Mužčyna byŭ mocna źniasileny i paśla vyratavańnia trapiŭ u balnicu. Pavodle miedykaŭ, jaho žyćciu ciapier ničoha nie pahražaje.
Paźniej Valdes raskazaŭ, što ŭvieś hety čas dumaŭ, nibyta znachodzicca ŭ piačory ŭsiaho kala troch dzion.
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?1
Kamientary