Jeŭrapiejski humanitarny ŭniviersitet paćvierdziŭ, što budzie pravodzić ustupnuju kampaniju, adnak nie płanuje śpiecyjalnych infarmacyjnych aktyŭnaściaŭ dla biełaruskich abituryjentaŭ na fonie pahrozaŭ z boku biełaruskich uładaŭ.
Jak paviedamili «Biełsatu» ŭ VNU, univiersitet praciahvaje nabor studentaŭ, bo tam navučajucca pradstaŭniki roznych krainaŭ. U toj ža čas u EHU adznačyli, što buduć uličvać pry hetym dziejańni biełaruskich uładaŭ.
«U EHU navučajucca studenty z roznych krainaŭ, tamu pryjomnaja kampanija dla patencyjnych studentaŭ budzie arhanizavanaja. Adnak, uličvajučy dziejańni biełaruskich uładaŭ i mahčymyja pahrozy dla hramadzianaŭ hetaj krainy, univiersitet nie płanuje metanakiravanych mierapryjemstvaŭ dla biełaruskaj aŭdytoryi», — adznačajecca ŭ adkazie ŭniviersitetu dla «Biełsatu».
Pry hetym było adznačana, što ŭ ahulnaj kamunikacyi studentam buduć raić «vielmi adkazna aceńvać mahčymyja ryzyki, źviazanyja z rašeńniami ich dziaržaŭnych ustanoŭ».
U EHU padkreślivajuć, što ŭniviersitet dziejničaje ŭ Litvie i abaronieny litoŭskim i jeŭrapiejskim zakanadaŭstvam, i hetaja abarona raspaŭsiudžvajecca taksama na biełaruskich hramadzian.
«Nahadvajem, što EHU pracuje ŭ Litvie, abaronieny i achoŭvajecca litoŭskim i jeŭrapiejskim zakanadaŭstvam. Biełaruskija hramadzianie, jakija lehalna pracujuć i vučacca ŭ Litvie, taksama abaronienyja litoŭskim zakanadaŭstvam», — havorycca ŭ paviedamleńni.
EHU pracuje ŭ Vilni z 2004 hoda paśla zakryćcia ŭ Miensku i zastajecca adnym z klučavych adukacyjnych centraŭ dla biełaruskich studentaŭ.
Prakuratura pałochaje, što za navučańnie i pracu ŭ EHU moža pahražać da šaści hadoŭ źniavoleńnia
EHU zaprašaje na adukacyjnuju prahramu «Jeŭrapiejskaja spadčyna i kreatyŭny turyzm»
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
EHU — «ekstremisckaja arhanizacyja». Što ciapier rabić studentam i vypusknikam? I što im pahražaje?
EHU pryznali ekstremisckaj arhanizacyjaj
Kamientary