Žychar Rečycy 10 hadoŭ jeździŭ na skradzienym aŭto i nie padazravaŭ pra heta
U 2016 hodzie mužčyna praz znajomaha nabyŭ aŭtamabil Ford Focus.
Da zamiežnaha aŭto prykładaŭsia poŭny kamplekt dakumientaŭ, u tym liku paśviedčańnie ab rehistracyi transpartnaha srodku ŭ Rasii i hienieralnaja davieranaść ad byłoha ŭłaśnika
Biełarusu takaja situacyja spadabałasia, i aŭto z rasijskaha ŭliku jon zdymać nie staŭ.
U sakaviku hetaha hoda mužčynu spynili supracoŭnik DPS «Strała». Pry praviercy dakumientaŭ u dziaržaŭnych aŭtainśpiektaraŭ uźnikli sumnievy ŭ sapraŭdnaści paśviedčańnia ab rehistracyi transpartnaha srodku. Jašče bolš pytańniaŭ uźnikła, kali jany pravieryli VIN-numar.
Identyfikacyjnaja markirovačnaja paznaka na kuzavie aŭto była značna karaziravanaja, pry hetym vakoł miesca naniasieńnia markiroŭki karozii nie nazirałasia.
Ekśpierty Rečyckaha Dziaržaŭnaha kamiteta sudovych ekśpiertyz ustanavili, što błank paśviedčańnia ab rehistracyi transpartnaha srodku Rasijskaj Fiederacyi vyrableny nie pradpryjemstvam, jakoje zajmajecca vytvorčaściu pradukcyi dadzienaha vidu. VIN-nomier aŭtamabila taksama byŭ padvierhnuty źmienam. Ekśpierty jaho adnavili.
Zaviedziena kryminalnaja sprava.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary