Pa zavodzie elektroniki ŭ Varoniežy USU, vierahodna, udaryli tryma novymi amierykanskimi rakietami
Zavod elektroniki ŭ Varoniežy USU mahli atakavać 22 červienia tryma novymi amierykanskimi rakietami AGM-188A Rusty Dagger. Pra heta paviedamlaje vydańnie Forbes sa spasyłkaj na rasijskija i ŭkrainskija krynicy. Aficyjnaha paćviardžeńnia vykarystańnia hetych rakiet pakul niama.
Rakieta AGM-188A Rusty Dagger była raspracavanaja ŭ miežach prahramy Extended Range Attack Munition (ERAM), jakaja praduhledžvaje stvareńnie adnosna niedarahoj dalnabojnaj zbroi dla źniščalnikaŭ F-16. Vytvorcam vystupaje amierykanskaja kampanija Zone 5 Technologies.
Pavodle najaŭnaj infarmacyi, dalokaść palotu rakiety pieravyšaje 460 kiłamietraŭ. Jana abstalavanaja sučasnymi sistemami naviadzieńnia i srodkami supraćdziejańnia radyjoelektronnamu padaŭleńniu.
Forbes śćviardžaje, što Ukraina zakazała 3550 takich rakiet na ahulnuju sumu 825 miljonaŭ dołaraŭ. Takim čynam, košt adnoj adzinki składaje kala 246 tysiač dalaraŭ, što prykładna ŭ dziesiać razoŭ tańniej za brytanskija rakiety Storm Shadow.
Pavodle spadarožnikavych zdymkaŭ kampanii Planet Labs, apublikavanych prajektam «Schiemy», u vyniku rakietnaha ŭdaru pa Varoniežskim zavodzie paŭpravadnikovych pryboraŭ byli paškodžanyja jak minimum dva budynki.
Hubiernatar Varoniežskaj vobłaści Alaksandr Husieŭ raniej paviedamlaŭ, što ŭ vyniku ataki zahinuli piać čałaviek, jašče niekalki dziasiatkaŭ atrymali ranieńni.
Pradpryjemstva «VZPP-S» ličycca adnym ź viadučych rasijskich vytvorcaŭ paŭpravadnikovych pryboraŭ, intehralnych mikraschiem i siłavych modulaŭ. Pavodle adkrytych krynic, jaho pradukcyja vykarystoŭvajecca ŭ tym liku pry vytvorčaści kryłatych rakiet Ch-101, kompleksaŭ «Iskander-K» i «Kalibr», a taksama sistem supraćpavietranaj abarony S-400 i «Pancyr».
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary
Heta, jak ekskavatar i łapata, abodvy prystroja pryznačany kapać ziamlu, ale kožny efiektyŭny pa-roznamu, i maje svaje pieravahi.