Малады беларус у Падмаскоўі разбіў губу начальніку аддзела паліцыі
Кірыл Карлоўскі спачатку без дай прычыны ўдарыў незнаёмую жанчыну каля крамы, а пасля затрымання заляпіў і паліцэйскаму.
23‑гадовага беларуса Кірыла Карлоўскага не маглі супакоіць усім аддзяленнем паліцыі ў Падмаскоўі.
Ураджэнец Кармы адвучыўся ў ПТВ у Слаўгарадзе. Яшчэ падлеткам адзначыўся разбітымі дзвярыма ў сельскім доме культуры. А пасля паехаў скараць Расію.
Праўда, праз драматычныя падзеі каля крамы «Магніт» у мікрараёне Белыя Стаўбы каля Дамадзедава (30 км ад Масквы) яго планы вымушана змяніліся.
Карлоўскі падышоў да незнаёмай жанчыны і ўдарыў кулаком у твар. У яе застаўся сіняк на воку.
На месца выклікалі двух аператыўнікаў, якія скруцілі беларуса і адвезлі ў пастарунак. Там ён працягваў крычаць, а потым ударыў начальніка аддзялення кулаком у твар і разбіў яму губу.
Урэшце Карлоўскі раскаяўся і цалкам прызнаў віну. За ўдар па жанчыне яму прызначылі 300 гадзін абавязковых прац, а за ўдар па паліцэйскім — паўтара года зняволення.
Такім і стаў канчатковы тэрмін — паўтара года калоніі-пасялення.
У прысудзе адзначаецца, што ў беларуса выявілі эмацыянальна нестабільны разлад асобы і сіндром залежнасці ад алкаголю.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы3
Каментары