Na miescy kolišniaha pomnika Leninu ŭ Kijevie pastaviać pomnik hietmanu Maziepu
U Kijevie na miescy byłoha pomnika Leninu płanujuć pastavić manumient ukrainskamu hietmanu Ivanu Maziepu. Pra heta 28 červienia zajaviŭ prezident Ukrainy Uładzimir Zialenski, vystupajučy z pramovaj da Dnia Kanstytucyi na terytoryi Kijeva-Piačerskaj łaŭry, dzie raniej taksama pastavili biust Maziepy.
Pa słovach prezidenta Ukrainy, maštab hetaj histaryčnaj postaci zasłuhoŭvaje paŭnavartasnaha pomnika ŭ stalicy:
«Liču, što idealnaje miesca dla jaho isnuje… I ja ŭpeŭnieny, što tam, dzie Lenin upaŭ, mocna budzie stajać Maziepa», — zajaviŭ Zialenski.
Jon adznačyŭ pry hetym, što i ŭ Kijeva-Piačerskaj łaŭry biust Maziepy «budzie stajać pa pravie», bo toj byŭ jaje miecenatam i finansavaŭ raźvićcio manastyra.
«Stahodździami Rasija plamiła jaho imia, prahnuła, kab ukraincy hladzieli na svaju historyju čužymi vačyma, pierakonvajučy naš narod, što Maziepa — zdradnik. Hetaja chłuśnia prajhrała. Nazaŭždy. I siońnia my ŭšanoŭvajem svajho vybitnaha dziaržaŭnaha i vajskovaha dziejača, miecenata, kiraŭnika kazackaj dziaržavy Ivana Maziepu. I važna, što my robim heta mienavita tut, u Łaŭry, jakaja pry jaho apiecy sapraŭdy raśćviła — chramami, zvanicami i svaim unikalnym ukrainskim baročnym abliččam», — padkreśliŭ prezident Ukrainy.
Ivan Maziepa — hietman Vojska Zaparožskaha ŭ 1687‑1709 hadach. U Rasijskaj Impieryi, SSSR i sučasnaj Rasii jaho tradycyjna ličyli zdradnikam paśla taho, jak jon u 1708 hodzie ŭstupiŭ u sajuz sa šviedskim karalom Karłam XII suprać Piatra I.
Paśla parazy ŭ Pałtaŭskaj bitvie 1709 hoda imia Maziepy było padvierhnuta anafiemie ŭ Rasijskaj pravasłaŭnaj carkvie i na doŭhija stahodździ stała ŭ rasijskaj histaryčnaj tradycyi simvałam zdrady.
U toj ža čas u sučasnaj Ukrainie Maziepu čaściej za ŭsio razhladajuć jak vybitnaha dziaržaŭnaha dziejača, miecenata na karyść kultury i carkvy, simvał baraćby za aŭtanomiju ŭkrainskich ziemlaŭ.
Pomnik jamu maje źjavicca ŭ centry Kijeva — u rajonie bulvara Šaŭčenki, niedaloka ad miesca, dzie da 2013 hoda stajaŭ pomnik Leninu, źniesieny padčas Jeŭramajdanu.
Rasija ŭdaryła pa Kijeva-Piačerskaj łaŭry
Cichanoŭskaja i biełaruskaja delehacyja ŭskłali kvietki na Majdanie, da pomnikaŭ Karatkieviču, Žyźnieŭskamu, Šaramietu
Paškodžany budynak Łanhbarda i razburany muziej «Čarnobyl». Vyniki rasijskaj ataki na histaryčny centr Kijeva
Fiaduta: Bułhakaŭ i Achmatava zrazumieli b, čamu va Ukrainie znosiać pomniki im
U Kijevie demantujuć pomnik Michaiłu Bułhakavu ŭ centry horada
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary
🇷🇺 ardoj ... Ukrainskija historyki kažuć, što Chmialnicki ničoha nie
padpisvaŭ, i ŭsio heta chłuśnia! I papier nijakich nie było i niama! A maskoŭcy
kažucu, što Chmialnicki -- padpisvaŭ, ale papiery nie zachavalisia bo mol
ich pajeła. A ŭ vyniku što? Ukraina-Ruś na doŭhija stahodździ patrapiła pad
maskoŭski bot. Maskoŭskaja arda skrała nazvu Ukrainy -- Ruś, usiu jaje
historyju, mitalohiju, kulturu i vydaje jaje za svaju. Uziać by taho kniazia
Uładzimira, jaki, nibyta, chryściŭ maskavitaŭ, jašče i pomniki jamu nachabna
staviać. A dalej i zhadvać nie chočacca.... Balšavicki džychad: akupacyja BNR
, vajna z Polšaj , Estonijej , Finlandyjej, Haładamor, represii, Kurapaty, hienacyd. 1991, Novaja emperyja , alehrachi, karupcyja , empieryjalizm ...I narešcie zachop 1/3 Azierbałdžana, Mołdovy, Hruzii , anieksija Kryma, vajna na Dambase, vajna, vajna, vajna ....