Jeŭrapiejskaja kamisija ŭvodzić novy mytny zbor na niedarahija pasyłki z Kitaja. Z 1 lipienia za adpraŭleńni koštam da 150 jeŭra budzie spahaniacca płata ŭ pamiery 3 jeŭra, paviedamlaje The Guardian.
Adnačasova budzie skasavana praviła, jakoje dazvalała ŭvozić u krainy Jeŭrasajuza tavary takoj vartaści biez vypłaty myta. U Brusieli raźličvajuć, što heta dapamoža skaracić płyń tannych tavaraŭ z Kitaja i padtrymać jeŭrapiejskich roźničnych pradaŭcoŭ.
Pavodle źviestak Jeŭrakamisii, kolkaść niedarahich pasyłak, jakija pastupajuć u ES, vyrasła bolš čym u čatyry razy — z 1,3 miljarda ŭ 2022 hodzie da 5,9 miljarda ŭ 2025-m. Kala 90 pracentaŭ takich adpraŭleńniaŭ pastupaje z Kitaja, hałoŭnym čynam praź internet-płatformy Shein i Temu.
U Jeŭrakamisii taksama źviarnuli ŭvahu na prablemy ź jakaściu i biaśpiekaj impartnych tavaraŭ. Pavodle daśledavańnia, apublikavanaha 29 červienia, kala 60 pracentaŭ pradukcyi, nabytaj praź internet pa-za miežami Jeŭrasajuza, nie adpaviadaje jeŭrapiejskim patrabavańniam.
Najbolšaja kolkaść parušeńniaŭ była vyjaŭlena siarod kaśmietyki, cacak, charčovych dabavak i srodkaŭ indyvidualnaj abarony. Ułady ES ličać, što novyja miery dapamohuć nie tolki padtrymać miascovy biznes, ale i pavysić biaśpieku tavaraŭ dla spažyŭcoŭ.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary