Achviaraj bujnoha machlarstva staŭ hramadzianin adnoj z krain Uschodniaj Azii.
Jak paviedamlaje milicyja, dvoje minčukoŭ va ŭzroście 31 i 36 hadoŭ prapanavali inšaziemcu pasłuhu — abmianiać najaŭnyja dalary na kryptavalutu.
Mužčyna pieradaŭ im pakiet z hrašyma. Adnak saŭdzielniki nieprykmietna padmianili jaho na taki ž pakiet, ale z falšyvymi kupiurami. Zrabiŭšy vyhlad, što pieraličvajuć hrošy, machlary aburylisia, nibyta inšaziemiec sprabuje raźličycca ź imi padrobkami.
Paśla hetaha jany admovilisia ad ździełki i chutka źnikli razam z sapraŭdnymi hrašyma zamiežnika.
Suma strataŭ skłała 130 tysiač dalaraŭ. Supracoŭniki milicyi zatrymali padazravanych. Častku vykradzienych hrošaj u ich zabrali i viarnuli ŭładalniku.
Suprać mužčyn zaviali kryminalnuju spravu za machlarstva ŭ asabliva bujnym pamiery. Minčukam pahražaje da 12 hadoŭ źniavoleńnia.
Kamientary
Oni,vidimo, iz tiech, kto sčitajut, čto raz inostraniec, to łoch i ku-ku)