«Fanaty stajali ŭ čerhach jašče da adkryćcia restaranaŭ». Šalenstva ź birulkami fiej na sumki, jakija vypuściła piceryja

Pačałasia historyja z taho, što «Dado pica» i animacyjnaja franšyza Winx Club vyrašyli zrabić kałabaracyju z nahody taho, što sioleta papularny dziavočy multfilm buduć pierazapuskać.

U roznych krainach, dzie pracuje sietka piceryj, paabiacali tematyčnaje mieniu. U jaho ŭvajšli pica «Enčantyks» z kalarovymi syrnymi šarykami i bruśničnym sousam, małočny kaktejl sa smakam maliny i drahanfruta ŭ jarkaj šklancy z kryłami fiei. Ale hałoŭnaja fiška — abviesy (birulki) na sumki ŭ kolerach adnoj z hieraiń mulcika.

Da Biełarusi vinksamanija dajšła 6 lipienia. Za picu treba było zapłacić kala 32 rubloŭ i jašče amal 15 rubloŭ za napoj.

Ciapier biełaruski dzielacca ŭ sacsietkach rasčaravańniem. Maŭlaŭ, čakali akcyju niekalki tydniaŭ, a kupić tematyčny nabor nie atrymałasia.

Tak, žycharka Bresta skardzicca, što pryjšła ŭ piceryju praz paŭtary hadziny paśla jaje adkryćcia, ale ŭsie sety ŭžo skončylisia. Darečy, pradstaŭniki kampanii ŭ Biełarusi adreahavali na skarhu: «Kałabaracyja była limitavanaj — heta praduhledžvaje vielmi abmiežavanuju kolkaść tavaru. Fanaty ŭčora stajali ŭ čerhach jašče da adkryćcia restaranaŭ, tamu ŭsio było raskuplena ŭ pieršyja hadziny pracy punktaŭ».

Samyja chitryja prychilnicy Vinks zrabili pieradzamovy — ale spracavaŭ łajfchak nie va ŭsich. Ludzi pišuć, što niekatoryja zamovy byli anulavanyja — hrošy, kaniečnie, viarnuć, ale ž fanatki chočuć abviesy fiej, a nie rubli na kartku.

Pavialičyć

«Dado pica» pryznaje, što takija situacyi sapraŭdy zdaralisia, ale nie praz zły namier, a praz błytaninu ŭ niekatorych restaranach.

Niechta navat hatovy jechać u inšy horad, dzie jašče zastaŭsia toj set.

Pavialičyć

Darečy, tytuł najlepšaha chłopca było nie vielmi składana atrymać: adna ź biełarusak ažno płakała ad ščaścia, kali paśla pracy znajšła doma nabor Vinks, jaki nabyŭ jaje kachany.

Pavialičyć

Aburanyja fanatki, jakija zastalisia biez padarunkaŭ, patrabujuć zrabić dadatkovy tyraž — ale pakul što jaho vypuskać nie płanujuć.

Tyja, kamu pašancavała ŭsio ž atrymać set, dzielacca na try katehoryi. Pieršyja vychvalajucca im: «Finansavaja adukavanaść: heta byli apošnija hrošy, da zarpłaty bolš za tydzień».

Pavialičyć

Druhija aburajucca tym, što ŭ Biełarusi ŭsio kaštavała navat daražej, čym u Rasii (tam set pradavali pryblizna za 35 biełaruskich rubloŭ). Dy i smak picy i napoju spadabaŭsia nie kožnaj.

Pavialičyć

Nu a trecija sprabujuć pierapradać abviesy fiej. Na «Kufary» ceny pačynajucca ad 50 rubloŭ (heta daražej, čym kaštavaŭ uvieś set całkam) i dachodziać ažno da 500 rubloŭ.

Pavialičyć

• 0
• 0
• 1
• 7
• 1
• 0
• 1
• 0