Barysaŭski BATE pačaŭ vystupleńnie ŭ jeŭrakubkach siezona 2026/27 ź ničyjoj. U pieršym matčy kvalifikacyi Lihi kanfierencyj biełaruskaja kamanda na vyjeździe zhulała z ałbanskim kłubam «AF Elbasani» — 1:1.
U pieršym tajmie haspadary čaściej vałodali miačom i ŭ užo kampiensavany čas Ardzit Nikaj adkryŭ lik.
U druhim tajmie raŭnavahu na 67‑j chvilinie adnaviŭ Jahor Rusakoŭ, jaki vyjšaŭ na zamienu ŭ pierapynku. Dla barysaŭskaha futbalista heta byŭ debiut u jeŭrakubkach. Paśla jaho mocnaha ŭdaru hałavoj miač pralacieŭ praź sietku varotaŭ naskroź.
Da kanca sustrečy kamandy bolš nie zabili. Matč zaviaršyŭsia ŭničyju — 1:1.
Matč u adkaz adbudziecca 16 lipienia ŭ azierbajdžanskim Sumhaicie — farmalna «chatnim» stadyjonie BATE.
Kamientary