«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
Kanflikt u centry Minska z-za kinutaha na tratuar niedakurka, jaki pieraros u abrazy, abmiarkoŭvajuć u tyktoku. Małady muzykant Leŭ Biełarusaŭ zrabiŭ zaŭvahu mužčynu, što toj śmiecić, a ŭ adkaz atrymaŭ ahresiju i abrazy.
Zdareńnie, jakoje zafiksavaŭ na videa małady biełaruski vykanaŭca Leŭ Biełarusaŭ, adbyłosia na piešachodnym pierachodzie na Niamizie.
Jak raskazvaje chłopiec, mužčyna, jakoha jon apisaŭ jak «niaruskaha», spačatku stres popieł ad cyharety jamu na abutak, a potym vykinuŭ niedakurak prosta na tratuar, jaki litaralna chviliny tamu prybraŭ dvornik.
Davajtie cieniť trud tiech kto diełajet naš horod čiŝie
Spačatku vietlivaja zaŭvaha Lva: «Brat, ty ŭ nas u Biełarusi. Padnimi, kali łaska, u nas tak nie pryniata», — vyklikała imhniennuju i ahresiŭnuju reakcyju.
Spadarožnica mužčyny, žančyna starejšaha vieku, adrazu ž ahryznułasia: «Kolki ich valajecca, byčkoŭ, blin!». Jaje arhumientam stała toje, što śmieciać usie. Leŭ Biełarusaŭ paryravaŭ: «Dyk padymi i vykini!».
Kali chłopiec hučna zapatrabavaŭ, kab jana padniała i vykinuła niedakurak, u kanflikt uklučyŭsia sam mužčyna, jaki adkazaŭ abrazaj: «Ja tvaju mamu ja*aŭ». Žančyna sprabavała advieści svajho ahresiŭnaha spadarožnika, kab jon nie narabiŭ jašče bolšaj biady.
Asobu mužčyny z vysokaj stupieńniu vierahodnaści ŭdałosia identyfikavać jak Dźmitryja Haŭryłava, 2003 hoda naradžeńnia. Jaho kantakty ŭ sacyjalnych sietkach pachodziać z Ałtajskaha kraja Rasijskaj Fiederacyi.
«Nie dadzim zahadzić našu Biełaruś»
Rolik u TikTok nabraŭ tysiačy kamientaroŭ, pieravažnaja bolšaść jakich była ŭ padtrymku aŭtara. Karystalniki dziakavali chłopcu za hramadzianskuju pazicyju i aburalisia pavodzinami hościa stalicy.
«Małajčyna!!! Nielha takoje ihnaravać!», «Chłopiec, ty supier, nie dadzim zahadzić našu Biełaruś», «Kali ŭ nas takaja moładź, to ja spakojnaja za svaju staraść», «Klučavyja słovy: «U nas tak nie pryniata»», — pišuć u kamientarach.
Mnohija adznačyli, što padobnaja maniera pavodzin z boku pryjezdžych stanovicca ŭsio bolš zaŭvažnaj. «U nas u kramie jašče horš, ich stolki raźviałosia, asabliva ŭ Baraŭlanach, abrazy ad kožnaha», — dzielicca adna z karystalnic.
Sam aŭtar videa, Leŭ Biełarusaŭ, u kamientarach zaklikaŭ: «Davajcie canić pracu tych, chto robić naš horad čyściejšym».
«Naša Niva» — bastyjon biełaruščyny
PADTRYMAĆ-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
-
Kanapackaja i siłaviki rajać studentam i vypusknikam EHU, a taksama ich baćkam na ŭsialaki vypadak napisać u «kamisiju pa viartańni»
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
Dyk usio ŭ paradku, mužyk ta nie ruskij, voś ruskij mužyk tak by nie zrabiŭ…
U pryncypie, pačatak varty ŭchvały.
Sprava za małym - zvolnicca z zavoda, jaki absłuhoŭvaje maskalskaje vojska, nie chadzić na kancert maskalskaj i miascovaj chałujskaj papsy, pacichu admovicca ad maskalskaj movy...