Palitźniavolenaha Dzianisa Ivašyna, vierahodna, znoŭ kinuli ŭ ŠIZA
U mahiloŭskuju kałoniju Dzianisa Ivašyna viarnuli 18 červienia — dahetul jon 3 hady adbyŭ u turmie №8 u Žodzinie.
Mienavita tym dniom datavany jahony list da maci, potym list ad 21 červienia atrymała žonka. Z toj pary bolš nivodnaha lista ad Dzianisa jany nie atrymali, raspaviała BAŽ Volha Ivašyna:
«Adrazu pa prybyćci ŭ kałoniju muža musili pamiaścić u karancin. Ale adtul listy dachodzili. Zaraz, kali listoŭ niama ŭžo 22 dni, vyhladaje na toje, što jaho kinuli ŭ ŠIZA. My heta ŭžo «prachodzili» ŭ turmie, kali Dzianisa trymali ŭ štrafnym izalatary. Tady taksama listoŭ nie było pa niekalki tydniaŭ».
Volha zaznačała, što nie čakaje ad ŭtrymańnia ŭ PK-15 ničoha dobraha. Tudy Dzianisa Ivašyna nakiravali adbyvać prysud pieršapačatkova, i tam jaho źbivali, ździekvalisia ź jahonaj biełaruskaj movy, zabaraniali telefonnyja zvanki, praduktovyja pasyłki, spatkańni z baćkami, niekalki razoŭ karali štrafnym izalataram. I heta ŭsiaho za niekalki miesiacaŭ, jakija daviałosia pravieści ŭ PK-15.
Dzianis Ivašyn byŭ zatrymany 12 sakavika 2021 hoda ŭ Hrodnie i asudžany na 13 hadoŭ i 1 miesiac źniavoleńnia za nibyta «zdradu dziaržavie» (art. 356 Kryminalnaha kodeksu) i «niezakonny zbor i raspaŭsiud źviestak ab pryvatnym žyćci» (art. 179 KK). Ahułam Dzianis Ivašyn znachodzicca ŭ źniavoleńni ŭžo bolš za 5 hadoŭ.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary