Vyjšli pa-biełarusku ŭspaminy Habryeli Puzyni pra XIX stahodździe
Amal 300‑staronkavaja kniha miemuaraŭ piśmieńnicy, što apisvaje mnohich cikavych asobaŭ,
Kniha ŭspaminaŭ «U Vilni i litoŭskich dvarach, uspaminy 1815—1843 hadoŭ» — heta pierakład znakamitych uspaminaŭ piśmiennicy Habryeli Puzyni zrobleny pa aryhinalnym tekście: «Gabrjela z Guntherow Puzynina. W Wilnie i w dworach litewskich: pamietnik z lat 1815 — 1843. Wilno, 1928», paviedamlaje «Supołka biełaruskich piśmieńnikaŭ».
Pierakład i kamientary zrabiŭ krajaznaŭca Leanid Łaŭreš. Vydaviectva «Izdatielskije riešienija».
Amal 300‑staronkavaja kniha miemuaraŭ piśmieńnicy, što apisvaje mnohich cikavych asobaŭ u časie i kantekście p.p. XIX ct. a taksama ład žyćcia kraju, spadabajecca šyrokamu kołu amataraŭ biełaruskaj staraśvieččyny.
Možna zamović na «Ozon» pa spasyłcy.
Habryela Puzynia (1815—1869) — polskaja piśmieńnica i miemuarystka, padarožnica. Naradziłasia ŭ Vilni ŭ siamji hrafa Hiuntera. Vyjšła zamuž za kniazia Tadevuša Puzyniu.
Trymała litaraturny sałon u majontku muža Haradziłava na Maładziečanščynie, sabrała mastackuju kalekcyju, biblijateku. U 1850‑ia h. haściami litaraturnaha sałonu Habryeli Puzyni byli Uładzisłaŭ Syrakomla, Stanisłaŭ Maniuška, Edvard Žalihoŭski, Uładzisłaŭ Mickievič (syn paeta Adama Mickieviča).
Pisała pa-polsku z 12 hadoŭ, u Vilni z druku vyjšli niekalki jaje paetyčnych zbornikaŭ, niekatoryja pierakładzienyja na biełaruskuju movu.
U kancy žyćcia na padstavie dziońnika, jaki viała ź junačych hadoŭ, ułasnaj pierapiski i dakumientaŭ i napisała ŭspaminy «Maja pamiać», daviedzienyja da 1867 h. Kniha — panarama žyćcia ŭsich słajoŭ hramadstva paŭnočna-zachodniaj Biełarusi i Vilni.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary