Hałkipier Kaba-Verde Vazińja, što staŭ lehiendaj čempijanatu śvietu, znajšoŭ sabie novy kłub
Charyzmatyčnamu futbalistu, darečy, 40 hadoŭ.
Hałkipier zbornaj Kaba-Verde Vazińja, jaki prasłaviŭsia na čempijanacie śvietu, staŭ hulcom adnaho z najbujniejšych kłubaŭ Čyli — «Koła-Koła». Pra heta paviedamiŭ žurnalist i insajdar Fabrycya Ramana ŭ sacyjalnaj sietcy X.
Vusnaja damoŭlenaść ab pierachodzie bramnika z Kaba-Verde ŭžo dasiahnutaja. Dakumienty jašče tolki treba padpisać. Jak adznačaje insajdar, heta pavinna adbycca ŭ vychodnyja, paśla čaho Vazińja adpravicca na miedycynski ahlad. Sam hałkipier užo hatovy da novaha etapu svajoj karjery ŭ Čyli.
Raniej paviedamlałasia, što «Koła-Koła» pravioŭ pieramovy z 40‑hadovym bramnikam pa inicyjatyvie prezidenta kłuba Anibala Mosy. Da čylijskaha kłuba hałoŭnym pretendentam na futbalista ličyŭsia amierykanski «Inter Majami», za jaki vystupaje arhiencinski forvard Lijanel Miesi, piša Championat.com.
Vazińja pravioŭ na čempijanacie śvietu 2026 hoda čatyry matčy, u dvuch ź jakich zachavaŭ svaje varoty «suchimi». Jaho kantrakt z partuhalskim «Šavišam», jaki vystupaje ŭ druhim dyvizijonie, skončyŭsia hetym letam, i kłub nie zachacieŭ jaho padaŭžać.
Žazimar Žaze Evara Dyjaš (mianuška Vazińja aznačaje «babula», «unuk babuli») taksama pahulaŭ u svoj čas za kišynioŭski «Zimbru», kiprski AJEŁ ź Limasoła, słavacki «Trenčyn», partuhalski «Žył Visente».
Zbornaja Kaba-Verde ŭpieršyniu ŭ svajoj historyi pryniała ŭdzieł u finalnaj stadyi čempijanatu śvietu i zakončyła vystupleńnie na stadyi 1/16 finału, sastupiŭšy zbornaj Arhienciny ź likam 2:3.
Mižnarodnaja asacyjacyja spartyŭnaj presy ŭklučyła Vazińju ŭ dziasiatku najlepšych futbalistaŭ čempijanatu śvietu, pastaviŭšy na siomaje miesca pamiž Rodry i Hary Kiejnam. Pieršaje miesca ŭ Lijaniela Miesi.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary