Łukašenka: [U Biełarusi] ŭ ruskaha čałavieka jość nadziejnaje apiryšča

Pytańni biaśpieki Biełarusi i Rasii nie pavinny ciarpieć z‑za niavyrašanych prablem u ekanomicy i inšych śfierach.

Pra heta 21 červienia zajaviŭ Alaksandr Łukašenka na sustrečy z sakratarom savieta biaśpieki Rasii Mikałajem Patrušavym, paviedamiła pres‑słužba prezidenta.

«Dumaju, dastatkova jak i vyrašanych pytańniaŭ u toj śfiery, jakoj zajmajucca saviety biaśpieki Biełarusi i Rasii, tak jość i niavyrašanyja prablemnyja pytańni, jakija naležyć vyrašać. Ad hetaha nikudy nie padziecca. Ale jak by ŭ nas ni składvalisia adnosiny ŭ ekanomicy, inšych śfierach, a biaśpieka našych dziaržaŭ, sajuznaj dziaržavy — pytańni daŭno vyrašanyja, i tut žartavać nichto nie pavinien», — skazaŭ Łukašenka.

Razam z tym biełaruski prezident padkreśliŭ, što zaŭsiody havaryŭ pra toje, što

«tut, na zachodnich rubiažach, u ruskaha čałavieka jość nadziejnaje apiryšča i jość siabry, u jakich by abstavinach my ni znachodzilisia i ni pracavali».

«Nam treba zrabić usio dla taho, kab ludzi ŭ Biełarusi i Rasii ni na chvilinu nie sumniavalisia, što my absalutna ciesna supracoŭničajem u śfiery biaśpieki, abarony našych dziaržaŭ. Kali b usie našy viedamstvy mieli takija vyniki supracoŭnictva, jak MZS i ministerstvy abarony, nie było b va ŭzajemaadnosinach nijakich prablem», — adznačyŭ kiraŭnik dziaržavy.

Łukašenka prapanavaŭ Mikałaju Patrušavu padčas sustrečy adkryta abmierkavać usie isnujučyja prablemy i namiecić šlachi ich vyrašeńnia.

U svaju čarhu Patrušaŭ adznačyŭ:

«My majem na mecie tolki raźvićcio supracoŭnictva.

My viedajem ab vyklikach i pahrozach, jakija isnujuć». Jon upeŭnieny, što hetym pahrozam nieabchodna nie tolki isnujuć». Jon upeŭnieny, što hetym pahrozam nieabchodna nie tolki supraćstajać, kali jany ŭžo adčuvalnyja, ale i sumiesna papiaredžvać, pradbačyć i pravodzić cumiesnuju pracu pa ich łakalizacyi.

Paźniej Patrušaŭ vykazaŭ zadavolenaść vynikami sustrečy, jakaja adbyłasia z prezidentam Biełarusi: «My havaryli ab prablemach zabieśpiačeńnia biaśpieki Rasii i Biełarusi, pra tyja vykliki i pahrozy, jakija ciapier źjaŭlajucca aktualnymi dla našych krain, i pra toje, jak im procidziejničać, u tym liku z papiaredžańniem».

Na sustrečy ŭ prezidenta taksama abmiarkoŭvalisia pierśpiektyvy sumiesnaj pracy savietaŭ biaśpieki dźviuch krain, mahčymaść abmienu vopytam, sumiesnaje płanavańnie i inšyja aktualnyja pytańni ŭ śfiery biaśpieki.

«Sistemy nacyjanalnaj biaśpieki Biełarusi i Rasii, sajuznaj dziaržavy zaŭsiody znachodzilisia i znachodziacca pad pilnaj uvahaj kiraŭnictva našych krain», — adznačyŭ dziaržaŭny sakratar savieta biaśpieki Biełarusi Leanid Malcaŭ. — Novyja vykliki i pahrozy, jakija źjaŭlajucca ŭ śviecie, patrabujuć hnutkaha na ich reahavańnia, i ŭ hetym płanie pamiž viedamstvami dźviuch krain jość poŭnaje razumieńnie».

21 červienia na plenarnym pasiadžeńni saviety biaśpieki Biełarusi i Rasii abmiarkujuć jak pytańni dvuchbakovaha supracoŭnictva, tak i sumiesnaje płanavańnie ŭ ramkach ADKB, vypracujuć pazicyi pa aktualnych prablemach.

• 0
• 0
• 0
• 0
• 0
• 0
• 0
• 0