Syn prezidenta Zimbabve, mierkavana, lačyŭsia ŭ Biełarusi ad narkatyčnaj zaležnaści
Pavodle infarmacyi žurnalistaŭ, na narkotyki Kolinza Mnanhahvu padsadziła jaho druhaja žonka.
Kolinz Mnanhahva, syn prezidenta Zimbabve Emiersana Mnanhahvy, prachodziŭ u Biełarusi lačeńnie ad narkatyčnaj zaležnaści, piša Reform.news sa spasyłkaj na zimbabvijskaje vydańnie Zimlive.
«Pavodle słoŭ krynic, Kolinz Mnanhahva niadaŭna byŭ adpraŭleny ŭ Biełaruś na reabilitacyju paśla taho, jak jon nibyta ŭciahnuŭsia ŭ narkotyki, jakimi, jak śćviardžaje jaho siamja, jaho zabiaśpiečvała Tafirenika», — śćviardžaje vydańnie.
Pavodle infarmacyi žurnalistaŭ, na narkotyki Kolinza Mnanhahvu padsadziła jaho druhaja žonka Kiełsi Tadziva Tafirenika.
5 žniŭnia 22‑hadovaja dziaŭčyna paŭstała pierad sudom dla abrańnia miery strymańnia pa spravie ab prodažy narkotykaŭ. Padčas vobšuku 4 žniŭnia palicyja znajšła ŭ jaje doma i ŭ mašynie pietydzin, marfin i kanopli. Ich košt acanili ŭ 204 dalary.
Pavodle infarmacyi Zimlive, pieršaja łedzi Zimbabve Aksilija Mnanhahva asabista patrabavała aryštu Tafireniki, a taksama maje namier damahacca viartańnia niekalkich damoŭ, jakija, jak jana śćviardžaje, dziaŭčyna nabyła na hrošy jaje syna i bieź jaho viedama.
Kolinz Mnanhahva byŭ u Biełarusi minimum adzin raz. U 2023 hodzie jon pryjazdžaŭ u Minsk razam z maci i bratam-bliźniukom Šonam. Jany sustrelisia ź ministram zamiežnych spraŭ Siarhiejem Alejnikam i biznesmienam Alaksandram Zinhmanam.
Kolinz Mnanhahva vučyŭsia ŭ Kitai, a zatym zasnavaŭ kampaniju pa zdabyčy zołata ZimCN Investments sumiesna z kitajskim partnioram. Miascovyja ŚMI abvinavačvali syna prezidenta ŭ zapałochvańni sudździaŭ i kantrabandzie zołata.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary