Dyjałoh prachodzić pry padtrymcy ZŠA.
U Karakasie pačalisia pieramovy pamiž časovym uradam Vieniesueły i pradstaŭnikami apazicyi, nakiravanyja na palityčny pierachod i adnaŭleńnie demakratyčnych instytutaŭ u krainie.
Jak piša CNN, pieramovy startavali praz tydzień paśla pieršapačatkova zapłanavanaj daty — 1 žniŭnia. Dyjałoh prachodzić pry padtrymcy ZŠA.
Uradavuju delehacyju ŭznačalvaje staršynia Nacyjanalnaha schodu Vieniesueły Chorchie Radryhies, brat v.a. prezidenta Dełsi Radryhies.
Apazicyjny błok pradstaŭlaje byłaja deputatka Nacyjanalnaha schodu Dzinora Fihiera. U skład delehacyi ŭvajšli byłyja parłamientaryi sklikańnia 2015 hoda, jakoje raniej pryznavałasia ŭ ZŠA lehitymnym.
Pry hetym u pieramovach nie ŭdzielničajuć lidary apazicyi Maryja Karyna Mačada i były kandydat u prezidenty Edmunda Hansales Urucija. Abodva palityki znachodziacca za miežami krainy i zajavili, što buduć sačyć za chodam dyjałohu i spadziajucca, što jon pryviadzie da praviadzieńnia vybaraŭ.
Čakajecca, što baki abmiarkujuć umacavańnie demakratyi, harantyi palityčnych pravoŭ, a taksama pytańni, źviazanyja z adnaŭleńniem krainy paśla razburalnych ziemlatrusaŭ u červieni.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary