Ukrainskija bieśpiłotniki ŭnočy 9 žniŭnia pacelili pa pazicyi zienitnaha rakietnaha kompleksu S-400 «Tryumf» u Hielendžyku Krasnadarskaha kraju. Kompleks znachodziŭsia niepadalok ad pałaca Pucina na čarnamorskim uźbiarežžy, piša The Moscow Times.
Pra ŭdar paviedamiŭ kamandujučy Siłami bieśpiłotnych sistem USU Robiert Broŭdzi ŭ svaim telehram-kanale, adznačyŭšy, što napiaredadni, 8 žniŭnia, S-400 zrabiŭ šeść puskaŭ rakiet. «Try hadziny hareła i pychcieła pazicyja S-400 u Hielendžyku, na bierazie, niepasredna pobač z katakombami», — napisaŭ Broŭdzi.
Akramia S-400, pavodle danych kamandujučaha SBS, unočy 9 žniŭnia byli źniščanyja jašče čatyry rasijskija abjekty supraćpavietranaj abarony. Havorka idzie pra zienitny rakietny kompleks «Tor» u rajonie nasielenaha punkta Pudavy Rastoŭskaj vobłaści, zienitny rakietna-harmatny kompleks «Pancyr-S1» u Jejsku Krasnadarskaha kraju, radyjołakacyjnuju stancyju «Padlot-K1» u Hałavatoŭcy Rastoŭskaj vobłaści i RŁS «Kasta 2Je2» u Łatonavie Rastoŭskaj vobłaści.
Akramia taho, Broŭdzi zajaviŭ pra źniščeńnie troch sudnaŭ rasijskaha cieniavoha fłotu ŭ Čornym mory — naftavaha tankiera i dvuch suchahruzaŭ.
Ataka na hety rajon adbyvajecca nie ŭpieršyniu za apošni čas. 3 žniŭnia ŭ vyniku padzieńnia ŭkrainskaha bieśpiłotnika na plaž u Archipa-Osipaŭcy (uvachodzić u skład municypalnaha ŭtvareńnia horada Hielendžyk) zahinuli siem čałaviek i jašče nie mienš za 40 atrymali ranieńni. Nasieleny punkt raźmieščany pryblizna za 22 km ad pałaca Pucina.
Kompleks, viadomy jak «pałac Pucina», heta abjekt płoščaj 17,7 tysiač kvadratnych mietraŭ na čarnamorskim uźbiarežžy pryblizna za 20 km ad Hielendžyka.
Pavodle rasśledavańnia Alaksieja Navalnaha, na terytoryi raźmieščany restaran, viertalotnaja placoŭka, ladovy pałac, carkva, amfiteatr, haściavy dom i aŭtazapravačnaja stancyja, a taksama 80‑mietrovy most.
U asnoŭnym budynku, pavodle danych rasśledavańnia, znachodziacca basiejn z akvadyskatekaj, spa-centr, saŭny i tureckija łaźni, vytvorčyja pamiaškańni, biblijateka i muzyčnaja haścioŭnia. Nad terytoryjaj kompleksu ŭstalavana biespalotnaja zona, a prylehłyja kala 7 tys. hiektaraŭ, jak śćviardžałasia ŭ rasśledavańni, naležać FSB.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary