«13 000 BYN za 40 dzion». Biełaruski kambajnior raskazaŭ pra svoj zarobak
Na pytańni pra zarobak i pra asablivaści pracy biełarus Ihar raskazaŭ u Threads — videa ź im vykłała jaho žonka, jana ž i zadała jamu pytańni. Mužčyna adpracavaŭ 40 dzion biez vychadnych, i jamu było vielmi składana, piša Myfin.by.
U roliku Ihar raskazaŭ, što namałaciŭ u rajonie 3000 ton zbožža:
— Ciažka tabie było?
— Tak, było vielmi składana.
Mužčyna kazaŭ, što da kanca žniva prychodziŭ dadomu bieź sił: pryjšoŭ, pamyŭsia, pajeŭ — i spać. Pracoŭny dzień pačynaŭsia čaściej a 6‑j ranicy, kali išoŭ doždž — to bližej da 8‑j ranicy.
— Kolki pa fakcie ŭ ciabie za 40 dzion było vychadnych?
— Nivodnaha.
Pry hetym u biełarusa z kłasičnaj piacidzionkaj na prykładna 40 pracoŭnych dzion (2 miesiacy) budzie prypadać 16 vychadnych.
Žonka Ihara spytała, što jon dumaje pra mierkavańnie, nibyta praca na kambajnie nie źjaŭlajecca ciažkaj: «Katajsia — dy i ŭsio». Mužčyna adkazaŭ, što nie zhodny z takimi słovami, pakolki jahonaja praca praduhledžvaje pastajannaje napružańnie praź bieśpierapynny kantrol pracesaŭ.
Ihar źviarnuŭ uvahu, što praca ŭ poli na kambajnie 40 dzion zapar nie harantuje zarobak u 13 000 BYN, jak atrymałasia ŭ jaho: zarobak zaležyć ad taho, kolki zbožža namałaciŭ kambajnior.
Łukašenka: Ź niadbajnych čynoŭnikaŭ možna stvaryć dźvie bataljonna-taktyčnyja hrupy
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Na Hrodzienščynie vajskovyja kamisary adpravilisia vučyć sialan źbirać uradžaj
Ahradrony na biełaruskich palach: jak bieśpiłotniki źmianiajuć sielskuju haspadarku
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU1
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary