U vieraśni 2025 hoda ŭ haradku Pfafienhofien-na-Ilmie pakupnik nabyŭ u piakarni pałovu buchanki chleba za 2,40 jeŭra — heta značyć roŭna za pałovu koštu cełaj buchanki.
Viarnuŭšysia dadomu, jon pakłaŭ nabyty chleb na vahi i vyjaviŭ niedachop u 10 hramaŭ u paraŭnańni z dakładnaj vahoj pałovy buchanki. Klijent viarnuŭsia ŭ kramu i zapatrabavaŭ kampiensacyju, piša DW.
Kiraŭnik piakarni Marcin Brejtnier nie ŭspryniaŭ heta ŭsurjoz. Jon spasłaŭsia na toje, što ŭ jaho siamiejnym pradpryjemstvie buchanki chleba ŭžo 60 hadoŭ režuć takim čynam, i žartam skazaŭ: «Što-niebudź hublaješ, što-niebudź znachodziš». Ale pakupnik humaru nie acaniŭ i pakinuŭ kramu razzłavanym, pryhraziŭšy «nastupstvami».
Razzłavany klijent padaŭ skarhu, i praź niekalki tydniaŭ na pradpryjemstva Brejtniera pryjšli z pravierkaj dziaržaŭnyja inśpiektary.
Pa vynikach pravierki piekaru zabaranili pradavać va ŭsich jaho kramach pałavinki buchanak, kali ich nie buduć dakładna ŭzvažvać na adkalibravanych precyzijnych vahach, a košt nie budzie raźličvacca zychodziačy z vahi z dakładnaściu da centa.
Brejtnieru daviałosia abstalavać takimi vahami ŭsie kasy šaści jaho kramaŭ u Pfafienhofienie i vakolicach. Piersanał handlovych kropak taksama daviałosia śpiecyjalna navučyć pracavać z novym abstalavańniem. Usio heta abyšłosia firmie prykładna ŭ 15 000 jeŭra.
Pry hetym pakupniki znoŭ zastalisia niezadavolenyja: ciapier im davodzicca płacić za pałavinki z dakładnaściu da centa, a kasy pierapoŭnienyja drobnymi manietami.
Niekatoryja pytajucca, ci nielha akruhlać košt, jak raniej, — ale Brejtnier, navučany horkim vopytam, vymušany im admaŭlać.
Inšyja piakarni ŭ horadzie zrabili vysnovy ź jaho historyi. Spačatku jany pierastali pradavać buchanki pałavinkami, a zatym taksama ŭstalavali ŭ siabie dakładnyja vahi.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach29
Kamientary