Litoŭski palityk prapanavaŭ zabaranić aŭtobusnyja rejsy ŭ Biełaruś
Paśla taho jak Łatvija abviaściła pra płany z nastupnaha hoda zabaranić aŭtobusnyja rejsy ŭ Biełaruś i Rasiju, deputat Siejma Arvidas Anušaŭskas zaklikaŭ urad Litvy dałučycca da inicyjatyvy susiedniaj krainy, piša Delfi.lt.
Arvidas Anušaŭskas źviarnuŭsia da premjer-ministra Mindaŭhasa Sinkiavičusa i ministra kamunikacyj i transpartu Jurasa Taminskasa z prapanovaj nie praciahvać dazvołaŭ i pačać kansultacyi z Łatvijaj i Estonijaj nakont sumiesnaha rašeńnia.
«Pakul Łatvija płanuje spynić aŭtobusnaje złučeńnie z ahresaram — Rasijaj — i Biełaruśsiu, jakaja joj dapamahaje, Litva zastajecca adnym z hałoŭnych tranzitnych kalidoraŭ pasažyrapatoku ŭ hetyja dziaržavy. Z adnaho boku, dziaržava ŭzmacniaje achovu ŭschodniaj miažy, inviestuje ŭ abaronu i papiaredžvaje pra pahrozy, jakija pachodziać ad biełaruskaha režymu. Z druhoha boku, ź Vilni pa-raniejšamu ažyćciaŭlajecca intensiŭny aŭtobusny ruch u harady Biełarusi», — zajaviŭ palityk.
«My zaklikajem urad Litvy dałučycca da inicyjatyvy Łatvii, nie praciahvać dazvoły na maršruty ŭ Rasiju i Biełaruś i spynić tranzitnyja maršruty, pakolki Litva nie pavinna stanavicca krainaj, praź jakuju abychodziacca abmiežavańni Łatvii abo inšych dziaržaŭ ES», — zajaviŭ Arvidas Anušaŭskas u svaim zvarocie.
Ciapier dziejničajuć 29 dazvołaŭ na rehularnyja pasažyrskija pieravozki pamiž Litvoj i Rasijaj i Biełaruśsiu abo tranzitam praź Litvu.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
Papulizm u styli Kaščunasa. Bo ponas Anušaŭskas nie znajšoŭ ničoha, kab patłumačyć, jakim čynam praz zachavańnie rehularnaha aŭtobusnaha ruchu ź Biełaruśsiu (jak i z Rasiejaj) nibyta "abychodziacca abmiežavańni Łatvii abo inšych dziaržaŭ ES"