Supracoŭniki začynienaha ŭ Bierlinie Ruskaha doma prybyli ŭ Biełaruś
Siudy pryjechali piać čałaviek.
Piaciora supracoŭnikaŭ Ruskaha doma ŭ Bierlinie, jaki ŭłady Hiermanii vyrašyli zakryć, prybyli ŭ Biełaruś. Pra heta paviedamili TASS u pres-słužbie pradstaŭnictva Rassupracoŭnictva ŭ našaj krainie.
«U Biełaruś prybyli supracoŭniki Ruskaha doma ŭ Bierlinie, jakija vyjechali z FRH u suviazi z rašeńniem uładaŭ ab zakryćci raszamiežustanovy. Na mižnarodnym punkcie propusku «Brest» [na miažy z Polščaj] kaleh sustreŭ kiraŭnik pradstaŭnictva Rassupracoŭnictva ŭ Respublicy Biełaruś Juryj Makušyn», — raspaviali ŭ pradstaŭnictvie.
Tam adznačyli, što supracoŭniki Ruskaha doma vykazali radaść z nahody prybyćcia ŭ Biełaruś.
1 vieraśnia Hiermanija zajaviła pra zakryćcio rasijskaha konsulstva ŭ Bonie i «Ruskaha doma» ŭ Bierlinie, heta było zajaŭlena paśla taho, jak Rasiju abvinavacili ŭ datyčnaści da incydentu ŭ aeraporcie Lejpcyha, dzie była znojdziena vybuchoŭka.
Incydent, jaki staŭ niepasrednaj nahodaj dla takich dziejańniaŭ, adbyŭsia 4 žniŭnia ŭ aeraporcie Lejpcyha. Pavodle infarmacyi niamieckich ŚMI, niekalki bieśpiłotnikaŭ mahli ŭdzielničać u sprobie ataki na ŭkrainski hruzavy samalot An-124. Adzin dron z vybuchoŭkaj znajšli niedaloka ad ukrainskich hruzavych samalotaŭ, a druhi, vierahodna, urezaŭsia ŭ hruzavy samalot DHL.
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka5
Kamientary