U Minsku 17‑hadovaha alimpijadnika pa historyi abvinavacili ŭ reabilitacyi nacyzmu
Chłopca trymajuć pad vartaj. Jaho dobruju paśpiachovaść i ŭdzieł u alimpijadach śledstva pryviało jak arhumient na karyść abvinavačańnia.
Pavodle SK, na praciahu dvuch hadoŭ padletak administravaŭ ahulnadastupny telehram-kanał. Śledstva naličyła tam bolš za 40 publikacyj, jakija, pavodle acenki SK, apraŭdvali fašysckuju ideałohiju, usłaŭlali prychilnikaŭ Treciaha rejcha i admaŭlali złačynstvy hitleraŭskaha režymu.
Taksama ŭ SK śćviardžajuć, što chłopiec raspaŭsiudžvaŭ materyjały, jakija raspalvali nacyjanalnuju varožaść, i supravadžaŭ ich nacysckaj simvolikaj.
Asobna śledstva adznačyła, što abvinavačany dobra vučyŭsia i ŭdzielničaŭ u pradmietnych alimpijadach, u tym liku pa historyi. Na dumku SK, heta śviedčyć pra ŭśviedamleńnie im źmiestu publikacyj.
«Junak vałodaŭ dastatkovym abjomam viedaŭ, u poŭnaj miery ŭśviedamlaŭ charaktar i maštab złačynstvaŭ, učynienych nacystami na akupavanych terytoryjach, a taksama biesčałaviečnuju sutnaść nacysckaj ideałohii», — zajavili ŭ viedamstvie.
Minčuka abvinavačvajuć pavodle častki 1 artykuła 130‑1 Kryminalnaha kodeksa — reabilitacyja nacyzmu. Pavodle paviedamleńnia, jon całkam pryznaŭ vinu i zastajecca pad vartaj.
Kamientary
Niemcy takoj škody, jakuju złačynny łukašyscki režym pryčyniŭ mnie, maim radakam, nie pryčyniali, a tuju, što pryčynili (prymusavaja praca, ale z narmalnym siłkavańniem i staŭleńniem da rabotnikaŭ), pryznali i kampiensavali hrašyma.