Pozna ŭviečary 15 lipienia hałkipier narviežskaj kamandy pa futzału IOF Hi Fransua Tukam dabraŭsia da Ispanii.
Pozna ŭviečary 15 lipienia hałkipier narviežskaj kamandy pa futzału IOF Hi Fransua Tukam dabraŭsia da Ispanii. Urešcie zaviaršyŭsia paŭtaramiesiačny biazhłuzdy aryšt čałavieka, jaki nie ździejśniŭ anijakaha złačynstva.
Jahonaja siabroŭka Inmakułada Hansales ŭnačy dasłała list pravaabaroncam:
«Darahija siabry! Narešcie! Hi Fransua Tukam byŭ adpuščany siońnia, i prylacieŭ u naš dom u Valensii. Ja chacieła b pavinšavać Vas za vydatnuju pracu, jakuju vy zrabili, i ad ščyraha serca padziakavać za dapamohu, vas i vašych partnioraŭ. Jašče pa telefonie jon raspavioŭ, što straciŭ 40 kiłahramaŭ vahi i što samaje horšaje dla jaho było pad čas aryštu — niedachop vady. Jašče raz dziakuj, i pamiatajcie, što ja chaču supracoŭničać z Vami. Mocna całuju. Žyvuć pravy čałavieka!»
Nahadajem što hramadzianina Kamieruna Hi Fransua Tukama, jaki mieŭ vid na žycharstva Ispanii, 1 červienia zatrymała pamiežnaja słužba aeraportu «Minsk‑2» pa padazreńni ŭ padrobcy pašpartu. Uvieś hety čas za jaho vyzvaleńnie i viartańnie zmahałasia jahonaja ispanskaja siabroŭka Inmakułada Hansales.
U spravie aryštu Tukama, na žal, zastajucca pytańni, jakija patrabujuć kali nie vyrašeńnia, dyk choć asensavańnia. Naprykład, jak paviedamili ŭ ambasadzie Kamieruna u Maskvie, dakumienty ab spraŭdžvańni asoby Tukama i sapraŭdnaści jahonaha pašpartu byli adpraŭleny mienskim pamiežnikam 28 červienia.Niaŭžo tak doŭha dastaŭlajecca aficyjnaja pošta? Niezrazumieła taksama, kali adbyŭsia sud nad kamieruncam, jaki vynies rašeńnie ab departacyi i jakim čynam byŭ spłočany štraf.
Adnak, spadziajemsia, što čas rasstavić usie niedastajučyja kropki nad «i».
Kamientary