U studzieni—lipieni 2010 hoda padzieńnie vytvorčaści adznačana ŭ naftapierapracoŭcy i stankabudavańni.
Pavodle źviestak Biełstata, abjom vytvorčaści ŭ naftapierapracoŭčaj pramysłovaści źmienšyŭsia na 29,9% u paraŭnańni z hetkim ža pieryjadam 2009 hoda, u stankabudaŭničaj i instrumientalnaj — na 9%.
Padzieńnie abjomaŭ vytvorčaści adbyłosia ŭ cełym u paliŭnaj pramysłovaści (na 23,8%), u tym liku ŭ naftazdabyŭnoj — na 1,1%.
U chimičnaj i naftachimičnaj pramysłovaści abjom vytvorčaści za siem miesiacaŭ hetaha hoda ŭzros na 19,4%, u čornaj mietałurhii — na 11%, u pramysłovaści budmateryjałaŭ — na 8,4%, u mašynabudavańni i mietałaapracoŭcy — na 10%, u charčovaj — na 8,9%, lohkaj — na 11,2%, u lasnoj, drevaapracoŭčaj i celułozna-papiarovaj pramysłovaści — na 13,3%, u elektraenierhietycy — na 12,2%.
Najbolšy pryrost pramvytvorčaści za studzień—lipień adznačany ŭ chimičnaj pramysłovaści — na 20,5%.
U cełym pa pramysłovaści abjom vytvorčaści ŭ studzieni—lipieni skłaŭ 86 trłn. 323,6 młrd. rubloŭ, pavialičyŭšysia na 9,6% u paraŭnańni z anałahičnym pieryjadam 2009 hoda. Zhodna z prahnozam sacyjalna-ekanamičnaha raźvićcia na 2010 hod, abjom pramysłovaj pradukcyi pavinien pavialičycca na 10—12%.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary