U vyniku vykupu akcyj u fizičnych asob finski kancern Olvi staŭ uładalnikam bolš jak 90% akcyj u AAT «Lidskaje piva».
Mieniedžer Olvi pa krainach Bałtyi i Biełarusi Pieep Akiel adznačyŭ, što vykup akcyj u fizičnych asob, užo druhi pa liku, prachodziŭ z 12 pa 27 lipienia.
«Cana vykupu była pavialičana da 675 tysiač rubloŭ za akcyju. Pavodle vynikaŭ druhoj skupki Olvi pavialičyŭ svaju dolu ŭ statutnym fondzie AAT „Lidskaje piva“ ŭ pamiery zvyš za 90% ad ahulnaj kolkaści akcyj», — paviedamiŭ Akiel.
Adkazvajučy na pytańnie BiełaPAN adnosna inicyjatara druhoha vykupu akcyj, jon udakładniŭ, što inicyjataram stali fizičnyja asoby. «Kancernu Olvi było dastatkova dla kiravańnia biełaruskim pradpryjemstvam i 87,75% akcyj. Adnak da nas źviarnulisia fizičnyja asoby, jakija źjaŭlajucca akcyjanierami, i my pajšli na druhi vykup akcyj», — paviedamiŭ Pieep Akiel.
Pradpryjemstva «Lidskaje piva» zasnavana ŭ 1876 hodzie. U zakrytaje akcyjaniernaje tavarystva jano było pieraŭtvorana ŭ 1994 hodzie, adnak praz šeść hadoŭ rearhanizavana ŭ AAT. «Lidskaje piva» vyrablaje piva, słabaałkaholnyja i biezałkaholnyja napoi.
U kancy 2008 hoda kantrolny pakiet akcyj lidskaha pradpryjemstva kupiŭ finski kancern Olvi za 16 młn. dołaraŭ. U 2009 hodzie finski inviestar pavialičyŭ svaju dolu ŭ «Lidskim pivie» z 51 da 87,85% šlacham vykupu akcyj u fizičnych asob. Letaś finski inviestar vykupaŭ akcyi pa 616 tysiač rubloŭ za štuku.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku51
Kamientary