Mintrans abviaščaje vajnu nielehalnym maršrutčykam
Najbližejšym časam u Biełarusi płanujecca vyrašyć prablemu nielehalnych maršrutnych pieravozak na haradskich i mižharodnych maršrutach, paviedamiŭ žurnalistam namieśnik ministra transpartu i kamunikacyj Alaksandr Šyško.
Pavodle jaho słoŭ, padrychtavana i ŭzhodniena z zacikaŭlenymi orhanami pastanova ŭrada, jakoj płanujecca «adrehulavać nierehularnyja maršrutnyja rejsy». Čakajecca, što dakumient budzie pryniaty da kanca vieraśnia.
Jak zajaviŭ Šyško, nielehalnych vadzicielaŭ u krainie «vielmi šmat». «Nieabchodna zakanadaŭča pravodzić konkursy i vystaŭlać ich na tyja maršruty, dzie jany žadajuć pracavać», — skazaŭ jon.
Pavodle słoŭ namieśnika ministra, vadzicieli maršrutak časta hrebujuć pytańniami biaśpieki. Adznačajucca vypadki, kali aŭtamabili nie adkazvajuć techničnym patrabavańniam, vadzicieli parušajuć praviły darožnaha ruchu. Akramia taho, nielehalnyja pieravozčyki pieramańvajuć pasažyraŭ u rehularnych pieravozčykaŭ za košt nižejšaj cany.
Ciapier čytajuć
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA17
Kamientary