paviedamiła hałoŭny sinoptyk Respublikanskaha hidramieteacentra Volha Fiadotava.
Skandynaŭski antycykłon nad jeŭrapiejskaj častkaj Rasii budzie achoplivać svaim upłyvam i našu krainu i padtrymlivać u asnoŭnym małavobłačnaje, suchoje, ale davoli chałodnaje nadvorje.
Asabliva chałodna budzie ŭ načnyja hadziny.
Z 5 pa 7 kastryčnika pad ranicu ŭ mnohich rajonach Biełarusi čakajucca zamarazki ad nula da minus 5 hradusaŭ.
Tolki miescami tempieratura pavietra składzie plus 1–3 hradusy. Udzień kastryčnickaje sonca budzie prahravać pavietra ad 7 da 13 hradusaŭ ciapła.
Zachavajecca ŭpłyŭ antycykłonu i ŭ kancy tydnia. Biełaruś budzie znachodzicca na jaho pieryfieryi, tamu ŭ niekatorych rajonach źjaviacca abłoki. Adnak u asnoŭnym abydziecca biez apadkaŭ. Miescami ŭ načnyja i ranišnija hadziny mahčymy tuman.
Tempieratura pavietra nočču budzie vahacca ad nula da 3 hradusaŭ ciapła. Na hlebie i miescami ŭ pavietry čakajucca zamarazki ad minus 1 da minus 4 hradusaŭ. U dzionnyja hadziny pavietra prahrejecca da plus 8–13 hradusaŭ. Taki tempieraturny režym u asnoŭnym na 3–5 hradusaŭ nižejšy za klimatyčnuju normu, udakładniła hałoŭny sinoptyk hidramieteacentra.
U suviazi z panižeńniem u načnyja hadziny tempieratury da minus 5 hradusaŭ pa rehijonach pieradadziena štarmavoje papiaredžańnie, sielhasarhanizacyjam rekamiendavana nie pakidać na adkrytym pavietry vykapanyja karaniapłody.
Kamientary