A pačałosia ŭsio ŭ hramadskaj łaźni. Dva mužyki, jak byvaje, razhavarylisia, vypili piva. Vyśvietliłasia, što adzin ź ich pryjechaŭ u Viciebsk ź inšaha horada, sumna jamu. Žychar abłasnoha centra paabiacaŭ abaviazkova paznajomić hościa staražytnaha horada sa svajoj susiedkaj.
Takim čynam mužčyny (nazaviom našych hierojaŭ Barysam i Iharam) chutka apynulisia doma ŭ apošniaha, dzie i vypivali. Potym u kampanii źjaviłasia i susiedka haspadara kvatery — Palina. Jana, darečy, handluje na adnym z rynkaŭ horada.
Žančyna naprykancy zastolla zaprasiła Barysa ŭ svaju kvateru, kab praciahnuć pryjemnaje znajomstva za kavaj. Hladzieli televizar, žartavali, flirtavali…
Hość raptam uziaŭ žančynu na ruki i panios u spalniu.
Biezumoŭna, nie dla taho, kab razam pačytać vieršy Puškina. Ale chto jaho viedaje?.. Pakłaŭ žančynu na łožak (na žyvot), zahnuŭ ruki za śpinu, źviazaŭ ich viaroŭkaj (Emanuel — hierainia ź filma dla darosłych, napeŭna, mahła b i pazajzdrościć fantazii mužyka), potym źviazaŭ i nohi.
Žančyna, vierahodna, była ščyra ŭpeŭnienaja ŭ tym, što ŭsio heta robicca, kab razyhrać niejkuju eratyčnuju hulniu. Tamu i nie akazvała supraciŭleńnia.
A potym… «Kazanova» zapatrabavaŭ, kab žančyna skazała jamu, dzie chavaje hrošy i juvielirnyja vyraby. Tak i nie dačakaŭšysia adkazu, źniaŭ sa svajoj novaj znajomaj upryhažeńni, jakija byli na joj. Potym pačaŭ šukać u kvatery kaštoŭnaści. Znajšoŭ hrošy i adzieńnie, jakoje handlarka płanavała pradać na rynku. A potym… Mužčyna tak i nie raźviazaŭ niaščasnuju, dy i pajšoŭ.
Jak paviedamiŭ pamočnik prakurora Pieršamajskaha rajona Viciebska Siarhiej Budrevič, złamyśnika złavili. Vyśvietliłasia, što raniej jon užo byŭ sudzimy. Za novy kryminalny ŭčynak jon moža być pazbaŭleny voli terminam da šaści hadoŭ.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku51
Kamientary