Siońnia źjaviacca papiarednija źviestki ab pryznanych niesapraŭdnymi podpisach u padtrymku kandydataŭ u prezidenty.
8 listapada zaviaršyłasia pravierka sapraŭdnaści podpisaŭ vybarščykaŭ, sabranych inicyjatyŭnymi hrupami ŭ padtrymku vyłučeńnia kandydataŭ u prezidenty.
Pratakoły pravierak, zaćvierdžanyja terytaryjalnymi vybarčymi kamisijami, nie paźniej za siońniašni dzień pavinny być pieradadzienyja ŭ abłasnyja i Minskuju haradskuju kamisii.
Nie paźniej za 13 listapada ŭklučnaźviestki pra kolkaść vybarščykaŭ, jakija pastavili svaje podpisy ŭ padtrymku vyłučeńnia kandydataŭ u prezidenty pa abłaściach i Minsku, pastupiać u Centrvybarkam.
Da hetaha ž terminu pretendenty na pasadu prezidenta pavinny pieradać u Centralnuju kamisiju zajavu ab zhodzie bałatavacca kandydatam u prezidenty,ankietu ź bijahrafičnymi źviestkami i dekłaracyju ab dachodach i majomaści.
Jak paviedamiŭ sakratar Centrvybarkama Mikałaj Łazavik, papiarednija źviestki ab podpisach, pryznanych terytaryjalnymi kamisijami niesapraŭdnymi, źjaviacca 9 listapada.
«Ale nas cikaviać nie stolki niesapraŭdnyja podpisy,
a toje, ci chopić sapraŭdnych dla rehistracyi pretendenta kandydatam u prezidenty.Takich podpisaŭ pavinna być nie mienš čym sto tysiač», — skazaŭ Łazavik.
Rehistracyju kandydataŭ u prezidenty Centrvybarkam pavinien pravieści z 14 pa 23 listapada ŭklučna.
Pavodle papiaredniaj infarmacyi, adpaviednaje pasiadžeńnie Centralnaj kamisii adbudziecca 18 listapada.
Nahadajem, bolš za sto tysiač podpisaŭ u terytaryjalnyja kamisii zdali inicyjatyŭnyja hrupy 11 pretendentaŭ na pasadu prezidenta. Adnak bolšaść podpisaŭ u padtrymku pradprymalnika ź Viciebska Uładzimira Pravalskaha pryznanyja niesapraŭdnymi. 5 listapada staršynia Centrvybarkama Jarmošyna paviedamiła žurnalistam, što i va ŭsich astatnich pretendentaŭ na pasadu prezidenta vybarčyja kamisii vyjaŭlajuć «niekarektnyja podpisy». Pavodle jaje słoŭ, praktyčna ŭsie kandydaty stracili pa niekalki tysiač podpisaŭ.
Kamientary