Kitaj vykazaŭ niezadavolenaść rašeńniem FRS ZŠA pačać novuju prahramu vykupu aktyvaŭ i dziaržablihacyj na sumu 600 młrd dalaraŭ na praciahu nastupnych vaśmi miesiacaŭ. Na dumku namieśnika ministra finansaŭ KNR Čžu Huaniaa,
čarhovy prytok śpiekulatyŭnaha kapitału stanie šokam dla suśvietnych rynkaŭ.
«Źjaŭlajučysia emitentam suśvietnaj reziervovaj valuty, ZŠA prymajuć rašeńnie zapuścić druhi raŭnd prahramy kolkasnaha źmiakčeńnia (QE, quantitative easing). Stvarajecca adčuvańnie, što jany nie razumiejuć usiu adkaznaść, što na ich lažyć, i nie dumajuć pra ŭpłyŭ hetaha rašeńnia na rynki, jakija raźvivajucca», — pryvodzić słovy namieśnika ministra ahienctva Reuters.
Čžu Huaniaa ličyć pryniataje rehulataram rašeńnie «niasłušnym» i miarkuje, što ZŠA pavinnyja ŭśviedamlać svaju rolu ŭ suśvietnaj ekanomicy. Pavodle jaho słovaŭ, Kitaj płanuje padčas samitu «vialikaj dvaccatki» (adbudziecca 11 — 12 listapada ŭ Sieule) «adkrytuju dyskusiju» adnosna čarhovaha ŭklučeńnia Štatami «drukavanaha stanka».
U svaju čarhu kitajskija ŚMI vykarystoŭvali bolš žorstkija farmuloŭki, kamientujučy rašeńnie FRS ZŠA ab uklučeńni «drukavanaha stanka». Na ich dumku,
dziejańni Vašynhtona źjaŭlajucca ŭskosnaj formaj valutnaj manipulacyi i mohuć spravakavać novy vitok «valutnaj vajny» i navat krach suśvietnaj finansavaj sistemy.
Raskrytykavała novy płan amierykanskaha rehulatara i Hiermanija. Ministr finansaŭ FRH miarkuje, što padobnyja dziejańni stvarajuć prablemy dla inšych krain. «Ja nie liču, što takimi mierami amierykancy vyrašać svaje prablemy, bolš za toje, hetym jany tolki stvorać dadatkovyja prablemy dla astatniaha śvietu», — ličyć V. Šojble.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia11
Kamientary