«Parłamienckija vybary ŭ Azierbajdžanie byli mirnymi, ale nie adkazvali mižnarodnym standartam», —havorycca ŭ zajavie aficyjnaha pradstaŭnika dziarždepartamienta ZŠA Filipa Kroŭli.
Vybary ŭ Miedžlis (parłamient) Azierbajdžana adbylisia ŭ niadzielu. Pa papiarednich dadzienych, pieramohu na ich atrymała kirujučaja partyja «Jeni Azierbajdžan» («Novy Azierbajdžan»), jakaja atrymała bolš za 70 miescaŭ. Usiaho ŭ Miedžlisie 125 mandataŭ.
Siarod pryčyn, pa jakich ZŠA nie mohuć nazvać vybary demakratyčnymi, Kroŭli nazyvaje niedastatkovaje aśviatleńnie ŭ ŚMI pieradvybarčaj kampanii roznych kandydataŭ, abmiežavańni prava na svabodu słova i schodaŭ i niedaskanały praces rehistracyi kandydataŭ, jaki stvaryŭ dla ŭdzielnikaŭ vybaraŭ niaroŭnyja ŭmovy.
Mižnarodnyja naziralniki zaŭvažyli surjoznyja parušeńni pracedury i ŭ dzień vybaraŭ. U tym liku napaŭnieńnie vybarčych skryniaŭ falšyvymi biuleteniami.
«My možam zaklikać azierbajdžanski ŭrad zasiarodzicca na sumlennym, prazrystym i dbajnym razhladzie skarhaŭ, źviazanych z vybarami. Heta nieabchodna, kab da adkaznaści byli pryciahnutyja aficyjnyja asoby, padazravanyja ŭ falsifikacyi vybaraŭ. My znoŭ zaklikajem ŭrad Azierbajdžana pavažać svabodu słova, schodaŭ i abjadnańniaŭ», — havorycca ŭ zajavie.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary