Farmat «Listapada» źmianiŭsia, a biełaruskich filmaŭ pa-raniejšamu niama
Kinafiestyval čarhovy raz zaviaršyŭsia pieramohaj zamiežnaj stužki.
Farmat «Listapada» źmianiŭsia, a vyniki zastalisia raniejšymi. Kinafiestyval čarhovy raz zaviaršyŭsia pieramohaj zamiežnaj stužki.
U toj čas, jak Alaksandr Łukašenka krytykuje ajčynny kiniematohraf, Minsk pa-raniejšamu sprabujuć zrabić centram kinažyćcia na postsavieckaj prastory i navat šyrej.
Biełaruski kiniematohraf užo katory hod znachodzicca ŭ projhryšnym stanie, kali hałoŭny pryz fiestyvalu «Listapad» pastajanna addajuć zamiežnym karcinam. Biezumoŭna, biełarusy nie mohuć pieramahać pastajanna. Ale kali za apošnija hady nivodnaja ajčynnaja stužka nie atrymała zołata «Listapada», heta nahoda zadumacca.
U asnoŭnym konkursie sioleta ŭdzielničała tolki adna karcina biełaruskaha režysiora — «Masakra» Andreja Kudzinienki. Ale zaprasili rasijcaŭ, jakija pradstavili try stužki ŭ hetaj naminacyi.
Za apošniaje dziesiacihodździe filmy rasijskich režysioraŭ vosiem razoŭ atrymlivali Hran-pry na biełaruskim fiestyvali. Niaŭžo čechi, słavaki, charvaty nie zdymajuć vartaha kino, kab pryvozić jaho ŭ Minsk? Razam źmiašali kinaindustryju vialikich i małych krain. Vybrali nie tuju vahavuju katehoryju. Dastatkova abjadnać krainy, supastaŭnyja ź Biełaruśsiu pa kinavytvorčaści, kab arhanizoŭvać taki fiestyval.
«Listapad» prajšoŭ. Paplaskali ŭ ładki. Usie zadavolenyja, atrymaŭšy aŭtohraf Arneły Muci ci Emira Kusturycy. A što dalej?
Praz hod na naradzie ŭ Alaksandra Łukašenki znoŭ budziem vysłuchoŭvać, što «filmy biełaruskaj vytvorčaści znachodziacca na pieryfieryi hladackaha intaresu». A ŭ listapadzie čarhovy raz budziem stvarać «unikalnuju atmaśfieru minskaha kinaforumu, hetak šanujemuju ŭ Biełarusi i za miažoj».
Dziaržava hatovaja apłačvać zamiežnych haściej, a vydatkavać naležnyja srodki na padrychtoŭku ajčynnych scenarystaŭ, režysioraŭ, pradziusieraŭ nie zdolnaja. Biudžet kinafiestyvalu, pa pryznańni ministra kultury Łatuški, skłaŭ 1 młrd. 400 młn. rubloŭ. Amal paŭmiljona dalaraŭ, kab kupić lidarstva siarod kinavytvorcaŭ.
Hran-pry «Zołata «Listapada» 2000-2010
- 2000 — «Ruski bunt» (Rasija)
2001 — «Prychodź na mianie pahladzieć» (Rasija)
2002 — «Ziaziula» (Rasija)
2003 — «Viartańnie» (Rasija)
2004 — «Kiroŭca dla Viery» (Rasija)
2005 — «Nie chlebam adzinym» (Rasija-Ukraina)
2006 — «Mnie nie balić» (Rasija)
2007 — «Žyćcio inšych» (Hiermanija)
2008 — «Pasažyrka» (Rasija)
2009 — «Śviet vializny i vyratavańnie chavajecca za vuhłom» (Bałharyja-Hiermanija-Słavienija-Vienhryja).
2010 — «Ščaście majo» (Ukraina-Hiermanija-Niderłandy).
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»20
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary