Ich nia stała za minuły hod

Hienadź Ajhi — narodny paet Čuvašyi.

Gustava Arkas (Gustavo Arcos) — patryjarch kubinskich dysydentaŭ. U 50-ja hady udzielničaŭ razam ź Fidelem Kastra ŭ baraćbie suprać dyktatury Fulgiencyja Batysty, paśla zmahaŭsia za demakratyju ŭžo suprać novaha dyktatara.

Red Aŭerbach (Red Auerbach). Patryjarch baskietbołu, stvaralnik Boston Celtics i adkryvalnik talentaŭ Biła Raseła (Billa Russell) i Łary Biorda (Larry Bird).

Syd Baret (Syd Barrett) — symbal i achviara šalonych 60-ch. Vakalist, hitaryst, adzin z perkusijanistaŭ psychadeličnaha roku, adzin z zasnavalnikaŭ Pink Floyd.

Šamil Basajeŭ —najsłavuciejšy – i vyklučna złoj słavaj – čačenski partyzanski kamandzir.

Ryčard Biornz (Richard Burns) — pamior u dzień čaćviortaj hadaviny zdabyćcia tytułu čempijonu śvietu pa honkach.

Janka Bryl — narodny piśmieńnik, klasyk biełaruskaj litaratury.

Anna Burda (Anna Burda) — adna z pačynalnicaŭ niamieckaha ekanamičnaha cudu 50-ch.

Džordž Best (George Best) — «Pele i Maradonu pašancavała, što ja stolki žłukciŭ, bo inakš pra ich nichto i nia čuŭ by», – kazaŭ Džordž Best, hienijalny futbalist, jaki zmarnavaŭ talent na pjanstva i ŭciechi.

Michał Vituška — adziny z kiraŭnikoŭ paślavajennych nacyjanalnych antysavieckich ruchaŭ Supracivu ŭ Savieckim Sajuzie, jaki vyžyŭ u partyzancy i zdoleŭ zachavacca ad savieckich ahientaŭ na Zachadzie.

Alaksandar Dziamieška — adzin z zasnavalnikaŭ «Pieśniaroŭ».

Abu Musa al Zarkavi — amerykanskija bomby, jakija 7 červienia ŭpali na dom pad Bakubaj, zakončyli karjeru hetaha najžachliviejšaha z sučasnych terarystaŭ.

Alaksandar Zinoŭjeŭ — rasiejski piśmieńnik i filozaf spačatku doŭhija hady vykryvaŭ absurdy kamunistyčnaj utopii, a paśla rasčaravaŭsia ŭ demakratyi, pačaŭ idealizavać kamunizm i navat Stalina.

Styŭ Irvin (Steve Irvin) — słavuty aŭstralijski palaŭničy na krakadziłaŭ, aŭtar znakamitaha pryhodnickaha dakumentalnaha seryjału «Łaviec krakadziłaŭ».

Ałan Kapraŭ (Allan Kaprow) — heta jon prydumaŭ chepeninh.

Mikoła Łatuškin — udzielnik biełaruskaha ruchu ŭ Čykaha, ZŠA.

Stanisłaŭ Lem (Stanisław Lem). «Kab ža ludzi navažylisia sumlenna stavicca da rečaŭ, to vybivali b na nadmahillach sakavityja praklony Pryrodzie za takoje padstupstva, zamiest taho, kab chavać dokazy jejnaha złačynstva pad bukietami kvietak».

Dźjordź Lihieci (György Ligeti) — adzin z najvybitniejšych kampazytaraŭ 2-j pałovy XX stahodździa, symbal muzyčnaha avanhardu z čałaviečym tvaram.

Akbar Mahamadzi — pravadyr studenckich pratestaŭ u Iranie.

Nahib Mahfuz — aŭtar «Padańnia staroha Kairu» ŭvajšoŭ u historyja ŭ 1998 hodzie – jak pieršy arab, uznaharodžany Nobeleŭskaj premijaj pa litaratury.

Habryel Mantalva — pieršy Apostalski Nuncyj u Biełarusi.

Słabadan Miłošavič — kažuć, nibyta jon pamior ad lekaŭ, jakija prymaŭ nielehalna, kab dakazać sudu, što za kratami stan jahonaha zdaroŭja ŭvieś čas paharšaŭsia.

Ŭoren Mitoŭski (Warren Mitofsky) stvaralnik exit polls.

Kanstancin Myśliviec — aktyvist biełaruskaha nacyjanalnaha ruchu na Paleśsi.

Sven Nikvist (Sven Nykvist) — lehiednarny kinaaperatar, uładalnik troch «Oskaraŭ», ad 1953 hodu supracoŭnik Ingmarar Bergmana.

Hanna Palitkoŭskaja — rasiejskaja žurnalistka, jakuju zastrelili 7 kastryčnika na ŭvachodzie ŭ lift u svaim domie ŭ centry Maskvy.

Uładzimier Pleščanka — aktyvist nacyjanalnaha ruchu, adzin z najviadomiejšych hramadzkich dziejačaŭ Viciebsku.

Ibrahim Rugova (Ibrahim Rugova) — pravadyr kosaŭkskich ałbancaŭ. Prychilnik niehvałtoŭnaj baraćby za niezaležnaść.

Sofja Samal — apošniaja niepasrednaja ŭdzielnica pavajennych padziejaŭ, źviazanych ź imiem Janki Filistoviča, jakaja atrymała 10 hadoŭ savieckaha kanclahieru za supracoŭnictva z «voraham narodu».

Alfreda Stresner (Alfredo Stroessner) — šmathadovy dyktatar Paragvaju (1954-89) i prykład dla pierajmańnia mnohim maładziejšym dyktataram.

Ksiondz Jan Tvardoŭski (Jan Twardowski). «Śpiašajmasia lubić ludziej, jany ž tak chutka sychodziać», – hetyja słovy stalisia afaryzmam.

Aryjana Falačy (Oriana Fallaci) — słavutaja reparciorka, jakaja zadavała niedyplamatyčnyja pytańni manarcham i dyktataram.

Džon Faŭłz (John Fowles) — anhielski piśmieńnik, klasyk postmadernizmu.

Elizabet Švarckopf (Elizabeth Schwarzkopf) — adna z najsłavuciejšych opernych śpiavačak XX st.

• 0
• 0
• 0
• 0
• 0
• 0
• 0
• 0