Były dyktatar Parahvaju Alfreda Stresner pamior u sieradu ŭ brazylskaj bolnicy paśla aperacyi pa vydaleńni hryžy. U Brazylii jon znachodziŭsia ŭ emihracyi z 1989 h. Jon kiravaŭ krainaj 35 hadoŭ
Były dyktatar Parahvaju Alfreda Stresner pamior u sieradu ŭ brazylskaj bolnicy paśla aperacyi pa vydaleńni hryžy. U Brazylii jon znachodziŭsia ŭ emihracyi z 1989 h.
Alfreda Stresner naradziŭsia 3 listapada 1912 h. u Enkarnaśjonie ŭ siamji niamieckaha kalanista-pivavara. Staŭ prafesijnym vajskoŭcam.
U 1952 h., va ŭzroście 40 hadoŭ, zrabiŭsia hałoŭnakamandujučym uzbrojenych sił Parahvaju.
U 1954 h. skinuŭ prezydenta Federyka Čavesa i pravioŭ prezydenckija vybary, na jakich vystaviŭ tolki svaju kandydaturu. Naturalna, što pieramoh. Potym pierabiraŭsia jašče dzieviać razoŭ.
Za 35 hadoŭ dyktatury zahinuli i prapali biaź źviestak 12 tys. čałaviek, kraina pakryłasia sietkaj kanclahieraŭ, turmy byli pierapoŭnienyja, amal było vyniščana mahutnaje indziejskaje plemia huarani.
Proźvišča Stresner (Stroessner) stała symbalem vajenna-palicejskaj, biespakaranaj dyktatury. Z krainaj u 1960-1970-yja hady pa-sapraŭdnamu siabravała tolki adna kraina – PAR. U toj čas vyklataja śvietam za režym aparteidu.
Pry Stresnery dziejničali lehalnyja apazycyjnyja partyi, ale na vybarach jany nabirali nia bolš za 10 pracentaŭ hałasoŭ. Tak rekamendavaŭ prezydent.
Kabinki dla hałasavańnia stavilisia pad adkrytym niebam, a sami vybary prachodzili pad nahladam palicyi.
U 1989 h. Stresner byŭ skinuty inšym hienerałam, Andeasam Radryhiesam – dačka jakoha była ŭ šlubie za synam Stresnera. Sam Alfreda Stresner uciok u Brazyliju, dzie spakojna pražyŭ 16 hadoŭ.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary